— 37 —
Nök. — Ä! ä! ä! Binos konlet malas yufü kels kanon kapälön balvoto... no binom pük.
Klöd. — Nemolöd omi äs vipol! dünos melake menik vio pük keli gebobs anu.
Nök. — Täno kanoböv bonedön bodi u vini?
Klöd. — E kafi e juegi!
Nök. — Äkanoböv givön büdis?
Klöd. — E sägo getön en.
Mis. — (donaletöl logis) Li-okanon sagön: löfob?
Klöd. — (Kidöl ofe nami) No äbinosöv pük nen atos!
Nök. — (zunik) Li-okanon sagön: binol fop!.
Klöd. — (glidöl dibiko) O! no odäloboköv osi, nök pestimöl!
Nök. — Denu, oklödob ole te ven ulauton vobuki genialik me pük et, as sam «Jartuffe*» u «Faust».
Klöd. — Molière e Goethe epenoms in pük keli äsevoms ed if isevoms-la te püki votik ipenomsöv in pük votik: if isevoms-la te vpi ipenomsöv in vp. Poedal sembal ekanom sevokön:
O pük oba motik! pük löfa, so sofik
das voms püköl oli kipofs smüli su lim!