— 38 —
galit dis bakun de Juliet, binos in pük et das Manfred musamomok ko feofs e das elilom lukanitön lutikälis badik... kim also odalom[1] lesagön das sibinos stum tu vätik ploletälen!
Nök. — Beno!* kü alim ogebom püki ola löfik olenadob omi.
Klöd. — Opökol! No söton juitön dini keli edejekon büo; ob, jemoböv koefön das epölob so stutiko, ed al blöfön das datuv pedejeköl fa ob no äbinom vo pöfüdik no geboböv omi; e.. nog umo! xämoböv konsieni obik, e geboböv noniki datuvas e lilädoböv noniki lautelas kelas beginis... binosöv snatik!
Nök. — Tadilo! binob plagälik! gebob dinis pestaböl: as sam: esagob vöno das äbinosöv smilik pükön dö dugam bälunas; anu sagol osi nog anikna (deslopos gaseda keli lilädob) yed in del kü okanob, ko sef lölik, siadönobok in smanaf kovenik....
Klöd. — Müedik, sofik....
Nök. — In del kü, plo mon obik, okanob mekön täveli plidik....
Klöd. — Ko stauds gudik len stejens....
Nök. — In del at osagob das datuv binom gudik, e das datuval binom man legletik.
Klöd. — Bafö! Duinol stimi debik geniales!
Nök. — Egelo! polob festunis gletikün al sepams omsik.
Misal. — (lügiko) E nevelo, nevelo oyufol datuvi in tim pötik?
Nök. — Din pemotom lifafägik[2] u no; if no, binos nepöfüdik yufön omi, if si, olifom nen yuf oba.