älaboms lemäno pötiti nonik, bi ädledoms das ärübomsöv stomägi omsik ko ligeds somik. Gälod lebalik omas in seit at lügik äbinom, das äkanoms flitön, e so äflitoms ofen su nufs de Bagdad, al lo- gön kelos äzitos in zif.
In dels balid ädalogoms netakedi e lügi gletik in süts. Ab del folid pos bemagügam omsik, du äsiedoms su ledom de kalif, älogoms diso in süt lezugi magifik. Tonaskins e fluts ätonodoms; man in mäned püpunik äsiedom sujeval pedeköl, e dü- nans nidik äzümoms omi. Lödels de Bagdad äsu- koms omi e valiks äsevokoms: — Lifö Mizra, sölel de Bagdad!
Stors bofik su nuf ledoma älenlogoms okis, e kalif äpükom:
— Li-blesenol nu, kikod binob pebemagügöl, levesir? Mizra binom son magügela valüdik, pa- nemöl Kaschnur, kel binom neflen oba gletikün, e kel eyulom obe vöno vinditi. Ab no nog, epölü- dob speli valik. Kömolöd ko ob, kopanel fiedik misalöfa oba, ogolobs al sep plöfeta; bemagügam pomosumom ba su plad et sanik!
Ämogoloms de nuf ledoma e äflitoms äl Me- dina.
Flitön äbinos yedo stores bofik ze fenöl, ibo älaboms nog plägi nemödik.
— Söl, — äsagom levesir pos düps anik, — no umo kanob sufön atosi lonedo; flitol tu vifiko. Zu vendel ekömom ya, no li-ädunobsöv gudiko, sükön blibi plo neit?
Kalif ägevom begi levesira omik, e bi ädalo- goms diso in nebel ruini, kel äjinom binön jelöp gudik, äflitoms äl top et.
Äjinos das ruin ibinom vöno ledom. Kölüms jönik ädatovoms bevü ruinils; cems mödik, kels äbinoms nog ze pekonseföl, änoeloms magifi vönik
