MAGDALENA JALANDONI.
NAHA-UNA NGA BAHIN
I
Ang imol nga mangingisdá.
Sa isa ca malinong nga hilit nga nahamtang sa isa ca bahin sining matahum nga cadutaan sang Iloilo, may isa ca masangcad nga baybayon; baybayon nga ang iya masadia nga bunasan napunihan sang mga matin-ao nga paquinhason nga naga silac sa tungà sang iya malum oc nga cabalasan nga sa guihapon guina hadcan sang iya maazal nga ilog.
Sa tungá sadtong iya masangcad cag maañag nga cadagatan humari ang isa ca silimbahor nga calinong nga ualá sing cagahud nga naga tublag cundi ang mamingao nga hinagunghung sang iya magamay nga mga balud, cag ang matam is nga tingug sang capispisan nga naga duguc sa pagsuyup sang tinulò sang iya ma azul nga tubig, sa ubus na macauas ag ang adlao sang tinipic sang iya masilac cag bulauanon nga mga ubong.
Sa mga maañag nga bulan sa tingadlao, sa madulum cag masanag nga cagab-ihon naga labad sa tunga sang calinong sang cada
