2
Cantu
2.
E cchiù di cchiù criscia lu so duluri
Quannu lu bon Ruggeri riflittia
Chi causa di st’ orribili svinturi
Era d’un papa la pritisa ria.
—Di Roma l’ implacabili pasturi
Pri chiamari in Italia ddu tirannu
Chi jitalla duvia ntra un duru affannu?
3.
Ah, quannu pensu a l’epuca filici
Di li putenti principi nurmanni
Chi da li manu di li soi nnimici
Strapparu la Sicilia a tanti affanni,
Sentu un’occulta gioja chi mi dici
Ca chissi su l’eroi pussenti e granni
Chi fannu riccu e prospiru un paisi
Cu boni liggi e gluriusi mprisi !
4.
Anchi li Svevi valurusi e forti
Quannu ’n Sicilia misiru lu pedi,
Esclusu Enricu, chi cu ingiusta morti
Sagrificau lu miseru Tancredi,
Risiru cchiù filici la sua sorti :
E tali ancora fu lu bon Manfredi,
Chi ancorchi guerri e lutti sustinia.
Giammai cu enormi pisi l’avvilia.
