COONTEY-GHIARE JEH ELLAN VANNIN, AYNS GAILCK.
(The following poetical description of the Isle of Man, by Joseph Bridson, having been in the possession of the Venerable Archdeacon Moore, he has kindly placed it at the disposal of the Society.)
"Jeh'n Elian shoh, mychone eck ta fo'm loayrt,"
"Nee'm y chooid share, son coontey feer y choyrt."
"T'ee Ellan veg ayns Keayn Noo Yeorge ny lhie,
"S'ga d'el ee beg, t'ee costallagh dy mie.
Ta cheer ny Albey er y twoaie j'ee soit,
As Anglesey ta er y jiass j'ee, lhie-t."
Ta Lancashire lllie vo'ee 'sy Chiar
As Nerin ayns y Sheear rayr ta mee curmyner.
Yn chummey eck ta, er yn aght shoh, noain
T'ee lane vie liauyr, cha vel ee agh feer choon
Veih Kione-ny-harey 'syn ayrn sodjey twoaie
Er dys y Challoo, cha vel fys ayms' quoi,
Ren ee y howse, mish cha ren veg y 'lheid
Ta'd gra dy jean ee towse jeih veeilley as feed
Er son y lheead eck slane, veih cheu dy heu.
Myr ta mee lhaih, ta ny screeunyn streeu
Paart sailliu nuy, ny jeih, ny red gyn veg
As paayrt ta shassoo er queig veeilly-yeig.
Agh lheid er-hastagh, ta mee cur dhyt my-reih,
Dy ghoaill ee son nuy queig-jeig ny jeih.
Kiare baljyn-vargee foast dyn enmys ta,
Jeu nee-ym loayrt, my lowys shiu agh traa.
