This page has been validated.
- Sa simbahang’ balaan bilang mga pasalig
- Sang iya nga kusog? Ikaw pamatan-on pa,
- Malip-ot mong’ painuino ayhan wa’y
- makasayod
- Sang pagbun-ag sang Roma, kag kon
- paano’ng romanhon
- Nga dalayon sa inaway kag nagdaog,
- naggahum
- Sa mga ginbarian sa Europa, Asia, Africa;
- Kay kay sila palaaway, sila sa mga diwa
- Gatuman, wa’y sapayan, sini nga mga banwa.
TITO. Gintunaan sang Roma kag ang mga inaway
- Sang iya kaanakan indi bag-o sa akon.
ADRIANO. Kon amo sayod ka man, nalulotan kong’ Tito
- Kon sanday sin-o mga Escipion kag Matelo,
- Mga Emilio kag Cesar, mga Fabio kag Sila,
- Mga Calpurnio, Pompeyo.
TITO. Kilala ko, ginuo.
ADRIANO. Sa wala’y duhadoha imo gid nahibal-an
- Nga sila nagkilala nga si Jupiter, diwa,
- Nga sa iya nautang nila tanan nga
- kadalag-an!
- Binulang kag sayop nga pagpanghunahona!
- Ngaa magsala’ng bantog nga mga taliaway?
TITO. Bata pa ako kag indi ko ina masaysay sa imo.
- Amay ko, kon luyag mo, sarang makapasanag
- Sa imo nga’ng natuohan nimo wala’y pulos.
ADRIANO. Ikaw, ukon amay mo, wala ako sing luyag
- Nga ako pagsaysayan sang imo tuluohan.
- Ang naluyagan ko lang amo’ng pagtuman,
- Tito.
TITO. Ini gid lang, ginuo, sa trono ko buhaton;
- Apang sa ginadid-an sang amon Diwa, indi.
ADRIANO. Anong’ mga butang?
TITO. Magtuo sa inyo Jove. . .
ADRIANO. Ngaa nagakahisa ang amon mga diwa?
TITO. May Diwang’ isa lamang kag dalayon.
- Si Jove,
