Page:Mga Binalaybay V.3.pdf/143

135

Indi nakon mahimo. Diwang' makagagahum

Padyang' wa'y kamatayon, Iyang' gintug-an

sa akon

Kag ginhariang' dayon. Paano'ng pagtawag

ko,

Sa inyo nga Simbahan, sang wa'y pulos nga

diwa

Nga sa lakas nga gansal sang mga

pag-inaway

Wa'y makabulig sa akon? Tinawag ko'ng

Diwa ko,

Kag sa luyo Sia nakon batok sa mga Parto;

Kon diin ako kumadto gaupod ang

kadalag-an.

Sa Iya ngalan nadaog ko ang imo mga

kaaway!

Ini lang nga Ginuo ang pagahalaran ko

Sa ibabaw sang simbahan sing tuob nga

kamangyan;

Kon lwas man lamang sa Iya, di ako kay

Jupiter....

ADRIANO. Sa anong' Diwa ka gaisip? Nasayran na sing

maayo

Nga'ng natuohan mong' tawo isa ka

manlalapas,

Kag ang mga hudiyo sa iya nagpatay.

Ang Jerusalen, huo, nagtan-aw nga patay

sia!

EUSTAQUIO. Di ka makahangop kon sa ano nga bagay

Sia nga nangin-tawhanon, kon madulom

mong' dughan

Wa'y maiwagi sang maanyag nga silak nga

langitnon.

Apang di mo nasayran, amayng' Wa'y

Kamatayon

Nagbawi sang ngalan 'ya sa kubos nga mga

ebreo,

Sa isang' pagtimalos nga napuno'y kakugmat

Bug-os nga kalibutan? Kag, ginuo, kami,

Kon wala mo masayri, mga hangaway_naton

Amo ang namukmokan sang pagtimalos

niya.