This page has been proofread.
METELO. Nasayran ni Eustaquio kamatayon ni Tito?
CORNELIO. Wala sia makasayod: di ya ina sikwayon.
- Sia, sa iya bilanggoan, kuhaon ko, Metelo;
- Pagtimalos kuhaon nakon sa iya amay,
- Kag sa sini nga bagay akon nga insultohan
- Ang sang amay wa’y salig dalayon nga
- pagbantay.
IKADUHA NGA GWA
- Si Flavio kag mga pinanghambal
FLAVIO. Cornelio, maluoy ka, tugti ako nga
- maghambal
- Kay Eustaquio! Nadid-an sang mga
- hangaway mo
- Ang akon pagsulod sa iya bilanggoan!
CORNELIO. Kon sa mapainubuson, ginapangayo nimo,
- Sa maayo tugotan ko. Sa madaling’ tion
- Hulata nga kuhaon nila sia sa palasyo.
- Kari ikaw, Metelo, updan nimo ako
- Kon luyag mo tumanon mga sugo ni
- Adriano.
IKATLO NGA GWA
- Si Flavio lamang
FLAVIO. O malaot nga palad! Romang’ wa’y
- kabalaslan!
- Ginapaantos mo’y subong hangawayng’ di
- nalupig
- Nga sa kaayuhan nimo sia nagkadto sa
- naway.
- Ngaa sang kaakig nimo nagaagum ako?
- Pungsod wa’y kabalaslan!.. . Banwang’
- makaluluoy...!
- Kon kamo gagahum, mga diwang’ mataas,
- Palad sang mamalatyon sini nga kalibutan,
- Ngaa man nga ako napakagha sa silot?
- Padyang’ lain nahulat ko sa akon
- kinabudlayan!
