Maaliwasang' nagligad nga nagasakit sa akon.
Ayl sa imo pagkatig-a, ako ang mapatay
Nga di mas-a mahim-ong! Ayhan, buhaton nimo
Ang ginasikway mo nian, kon amo isang' kalipay
Batyagon ko'y matam-is tungod sa imo pagbaylo.
Kon ang kasingkasing mo may gugmang' mainit sa akon
Palunga ang kalayong' gadabdab sa akon dughan.
CORNELIO. Halin kamo diri, kag ikaw, kay Adriano (sa kay Flavio):
Nasugo ta nga sa iya gilayon ka kumadto...
FLAVIO. Ngaa?... sang gumalahom ako napatawag! (kay akon nga nakita sa guya n'ya'ng malain.)
CORNELIO. Kag mamangkot ka pa? Nasayran mo'ng romanhon
Indi dapat magpaugtas sa isa ka gumalahom?
Lakat, Flavio, masayran mo ina sa madali
Kag ikaw maglakat man nga magsunod sa iya (kay Claudio).
(Malakat sila.)
CORNELIO. Nasayran mong' si Flavio gasunod na'g gatahod
Sang Diwang' kristuhanon kag sia isang' anak sang kriminal?
METELO. Bag-o lang nakon ina mausisa;
