Page:Mga Binalaybay V.3.pdf/186

178

   Kag gikan sa isip niya nga mauya
 Naggwa ang suga, isa ka dabdab,
 Nga nagpainit sang dugo niya;
 Ang wani sang dughan ’ya sumidlab
 Kag ang kasanag galibot sa iya.
 ----------
   Subong sang diwadiwang’ dalayon
 Ang iya panulok may kasili,
 Sampat lang nga kainit nga langitnon
 Katulad sang silak sang kaagahon
 Sang bug-os yang’ lawas gapaputli.
 ----------
   Mabuhay ka tawo nga gamhanan!
 Mabuhay kinaalam mong’ manggaran!
 Nga sa mangitngit nga bilanggoan
 Gindulot mo’ng imo binuhatan
 Nga ginadayaw sang kalibutan!
 ---------

     Tipik sang Isa ka Binalaybay ni Dr. Rizal
 ----------
   Sa akon Tagtuga ako nagaambahan;
 Sa akon Ginuo, sa Makagagahum
 Nga nagpauntat sang akon kalisdanan;
 Sa Maluluy-on
 Nga naghatag sa kagha kapahuwayan.

   Ikaw, Diwa, sa Imo kagamhanan,
 Nagsiling ka: Mabuhi ka! Nahimo;
 Kag kalwasan ako Imo hinatagan
 Kag kalag nga sa maayo ginpatuyo
 Subong panuytoy tumod pa-Aminhan.
 ----------
   Gintuga Mo ako gikan
 Sa balay, ginikanan nga dungganon,
 Kag sing Pungsod ako imo hinatagan:
 Matahum, manggaranon wala’y tupong
 Bisan wa’y manggad, kulang sa paghalong.

 (Gikan sa “Documentos Rizalinos,” p. 80)
 ----------