Page:Mga Binalaybay V.3.pdf/20

12

   SUBONG pagpalagyo usang nagdalagan
  Nga nagalikaw daw kilat nga pana
  Hinadlukan mga may bugal nga dughan
  Nagpalalagyo'ng sakop sang Manalagna.
----------
   APANG indi yana'ng mabangis nga kaisog
  Sang dughan nagataya nga taming bilang
  Kag gahulat sang away nga may kasupog
  Sa pagsumpong sa kaakig nga ginbagang.
----------
   SA isog nga nagdabdab, kabangis sang sapat
  Sa iya mga sakop si Boabdil nagpainit:
  Sa iya nawong naduag libog nga tapat
  Kag sa nalagyo masingkal sia nagsambit:
----------
   DIIN kamo dal-on, wa'y palad nga moros,
  Sang hadlok nga nagapakugmat, gabulag?
  Sin-o'ng nahadlukan? Sin-o, mga musmos,
  Nga'ng batong' tagipusuon gabahag?
----------
   SILING 'ya; kag may pahog humoni'ng budyong,
  Nag-abot ang aton, ang away ginsugdan;
  Kag ang gansal sang nagkirab nga salsalon
  Bisan diin lang amo'ng mabatian.
----------
   SI Don Alonso Aguilar sa ila dumuksol
  May kakahas, kaisog sa bahin nga isa;
  Namilas, namugot, nanglaglag, sumulsol
  Nga daw lobo sa nahadlok nga manara.
----------
   AY wa'y lawas sa Manalagna nangayo
  Bat-ulan, mapintas nga mahometanhon,
  Nga'ng rinda kag bangkaw iya ginpasako
  Batok sa madalag-on nga kristuhanon.
----------
   DIDTO natapos ang maisog nga pangulo
  Sa makakulogmat, malapuyot nga away;
  Mga yelmo, bangkaw kag mga kabayo
  Nagpulutapota kag nagbinulagay.
----------
   NALAGYO sa kristuhanong' madalag-on
  Tinawo yang' nag-ampo kag tinalawan;
  Subong pagpalagyo usang' mahadlukon
  Sa atubang 'gangurob nga leon nga isganan.