This page has been validated.
- __________
Halos lang ang adlaw nga masanag
- Sa panganod nagduag sing pula
- Nga ang kaagahon nagagawa
- Nga may bugnaw nga matuyomtuyom;
- Samtang sa kahanginan gatindog
- Sa ibabaw sang sakayan nga diutay
- Nagapamaladpad ang hayahay
- Sang Castilla nga duha’y lugom.
- __________
Si Colon, ang dakong’ Almirante
- Sang mga katsila kadutaan
- Amo’ng gahumlad sa kahanginan
- Sang hayahay sa malayong’ dagat,
- Kag, ang sakayan nga nagadahog
- Sa mga tubing’ kulokatyaon,
- Sakop ya luyag sa dululangon
- Nga bulawan gilayon madangat.
- __________
Sa iya pag-agi’ng dakong’ Kasike (2)
- Matahuron, hamuot nagduaw;
- Ang Almirante nagpanganinaw
- Nga balusan sia’y mahigugmaon;
- Kag yadtong’ Kasike may bugal
- Sing bahandi iya gindulotan
- Daku kaayong’ kihad sang bulawan
- Dulot nga tuman ka malahalon.
- Yadto isang’ kagab-ihon, sa himan nga linong,
- Nga ila ginkalimtan ang kalapyo sang adlaw,
- Nag-alampo ang maisog nga mga sakayanon:
- Isang’ lamharon lamang nga nagpulaw nagbato.
- __________
(1) Panugiron. Ini nga binalaybay sinulat ni Rizal sang sia Pangulo sang Akademya sa Kasulatan nga Kinatsila sa Ateneo Municipal de Manila, ayhan sang 1877. Nakita ini sa mga kasulatan nga kinuha gikan kay Dn. Mariano Ponce sang Pangulohan sang Filipinas.
Nakita ang tunay nga huwad sini nga sinulatan sa Bibliyotekang’ Pungsudnon.
Sa mga pp. 21-25 sang “Poesias de Rizal” ni Dn. Jayme C. de Veyra yara ang isa ka huwad sini nga binalaybay. (2) Kasike — Sa kinatsila, Cacique. Kon sayuron ang bathari ukon talahuron nga tawo sa mga indyong’ amerikanhon.
