Page:Mga Binalaybay V.3.pdf/43

35

  ADLAW, adlaw nga masadya,
Maanyag nga Filipinas, sa imo nga duta!
Magpasalamat sa Diwa,
Nga sa handum nga may angga,
Ikaw padal-an sing palad kag himaya.
----------
SA FILIPINAS⁽¹⁾
(Sa album sang mga eskultor nga Pilipinhon)
----------
  NAGADABDAB kag maanyag daw diwatang’ langitnon,
Malipayon kag putli subong sang banagbanag
Kon panganod hatagan ’ya’y tagumnon nga duag,
Gatulog ang diwata sang duta nga indyanhon.
----------
  ANG tiil ’ya ginahadkan sa luyag nga maanggaon,
Sang bukal nga mabumok sang nagaamba nga dagat;
Magayon nga Katundan sing yuhom nagahalad
Kag ang bukay nga Polo⁽²⁾> kumbong yang’ mabulakon.
----------
  ANG akon Isbing gaugoy sing tuman kamaanggaon,
Sang mga alambahanon mga kadiwatahan;
Ang kalipay kag palad sa iya nadulot nakon.
----------
  SING malunhaw nga dahon kag pulang’ kabulakan
Kag sing mga asusena purongi’ng iya agtang,
Sang mga maninining/35 Filipinas dayawon!
_________
(1) Ini isa ka ambalaybay (soneto) nga sinulat sa Album sang Talapuanan sang mga Eskultor, kag napetsahan sang pebrero sang 1880. Nabantala sing nahauna sa LA INDEPENDENCIA, sang ika-29 sa disyembre
sang 1898. Ang eskultor nga pilipinhon nga si Dn. Romualdo Teodoro de
Jesus may iya sang tunay nga huwad sini nga ambalaybay, apang ang
mga himata sang eskultor indi na makahibalo kon diin ini makita, tungod
sang madugay na nga panahon nga nagligad.

  Naggwa man sa idalum sang tig-ulo nga "Ang mga maninining (artistas) nga pilipinhon.” Ang mga huwad naggulwa sa:

  1. La Indcpendencia, Malabon, ika-29 sa Dis. 1898.
  2. “Poesias de Rizal” ni Veyra, p. 33.
(2) Polo — Ang utbong sang katung-anan sang kalibutan.
(3) Maninining — Artista.