Page:Mga Binalaybay V.3.pdf/45

37 SA LUYO SANG PASIG(1)Sarswela sa Isa Ka Bahin sa Binalaybay___________MGA TINAWOLEONIDO, CANDIDO, PASCUAL (tanan nga kabataan);Guban sang Kabataan, mga Yawa, kbp.

(Ang palagwaon ginahiwat sa pangpang sang suba sang

Pasig, sa banwa nga nagadala sini nga ngalan; ang puniponi nagapahayag sang suba, kag sang pangpang sa atubangan sang nahamtangan sang mga tinawo. Makita ang simbahan, mga balay, mga kawayanan kag madamo nga hayahay kag mga puniponi nga kinaandan sa kabanwahanan sa Filipinas. Takna ini sang pagpamanagbanag, kag tungod sini, ang danyag sang kabilugan dapat ipakita sing nagakaigo.)

NAHAUNA NGA GWA

Sanday CANDIDO, PASCUAL kag iban nga Kabataan. (Ang iba sa ila nagadala sing mga bulak, ang iban sing mga hayahay kag mga hampanganan sa ugali sang mga bata.)

GUBANMga rosa, klabelSang Pasig nga masadya,Sing madamo nabitay;Sang putling’ banagbanag,Sa matahum yang’ langitAng kasanag mahugmay;Mga mata langitnonMapulapola’ng agtang,Bibig pulang’ masiliNagapainit sang dughan;

______________

(1) Sang 1880 ginpangabay nila si Rizal nga mag-amot sing isa ka

sinulatan sa mga pandot nga sa tuigtoig, sa ika-8 sa Disyembre, ila ginahiwat sa Ateneo Municipal de Manila. Sang amo nga tuig si Rizal amo ang Pangulo sang Akademya sa Kasulatan nga Kinatsila sang amo nga buluthoan. Tuhoy sa amo nga mga pandot si Rizal nagsulat sini nga melodrama.

Amo lamang ini ang sinulatan ni Rizal nga inogpaggwa sa teatro.

Wala mahibal-i kon ang tunay nga huwad sini nga sinulatan yara pa

ukon wala na.

Ang mga huwad sini naggulwa sa:

1. “La Patria de Manila,” 30 sa Dis. 1902.

2. “Nuestro Tiempo,” Dis. 1904.

3. Retana, W. E.: “Vida y escritos,” pp. 37-50.

4. Veyra, Jayme C. de: “Poesias de Rizal,” pp. 181-195.

5. Guerrero, Leon Ma.: “Young Rizal,” pp. 181-195.

6. “Dia Filipino,” 1915.

7. “Sunday Times Magazine,” Hunyo 17, 1951, p. 14.