Page:Mga Binalaybay V.3.pdf/84

76

Magamalama'ng mga hayop
      kag magadaghob ang talunan,
Ginahambal nga'ng kalag nila
      mapakadto sa kapatagan
Nga sa binado sang patay
      sila tanan ginatawag.
----------
Ang gab-i nagapanihol,
     gumon, makahalangawa;
Kalayong' lunhaw kag tagumnon
      makitang gadabdab sa lawod;
Apang ang kalinong mabalik
      sa kaagahon nga masunod,
Kag sa madali isang' diutay
      nga baroto sang mangingisda
Masugod paglibot sa ibawbaw
      sang lapyu nga mga balod.
----------
Sa sini nagligad mga adlaw
      sa madulom kong' puloy-anan,
Nga naligwin sa kalibutan
      diin ako anay nagpuyo;
Nadayaw ko'ng bugay sang langit,
      tumalagsa kong' kapalaran:
Isa ka batong' binayaan
      nga nagahulat nga lumotan
Agud ang kinaadman nakon
      sa tanan akon nga matago!
----------
Ako may mga handumanan
     sang akon mga ginhigugma
Kag ngalan nilang ginasambit
      kon kis-a mabatian nakon:
Ang iban nagkalamatay na,
      iban nalimtan ako nila;
Apang ano'ng pulos? Ako
      gadumdom sang inadlaw nga una
Kag ang panahon nga nagligad
     indi nila makakas sa akon.
----------
Sia wa'y gapakahuya sa akon
      kag abyan nga mainunungon
Nga sang kalag ko gapabaskog
      kon makita yang masubo