ADRIANO ........Dakhari.
EUSTAQUIO.......Heneral nga romanhon.
TITO............Manghod nga anak ni Eustaquio.
FLAVIO..........Magulang nga anak ni Eustaquio.
CLAUDIO.........Abyan ni Flavio.
CORNELIO........Palangga sang Dakhari kag kaindis ni Eustaquio.
METELO..........Abyan ni Eustaquio.
Minamahal nga Bumalasa:
Indi sa pagpabugal ang nagpilit sa akon sa pagbinalaybay sini nga mapuslanon nga trahedya, nga ginatig-ulohan “SAN EUSTAQUIO”: kundi ang akon lamang katuyoan amo ang pagtuon sang pagbinalaybay; sa pagtilaw kon bala sarang man ako mabilang nga anak sang mga Isbing, kag magmapuslanon ako sa akon mga isigkatawo. Sa sini nga drama (palagwaon), sa tagsa ka tikang imo makita, minamahal nga bumalasa, ang isa ka taga nga indi bagay nga sarang masabdong, isa ka binalaybay nga matigdas kag indi maayo ang pagtagik, mga pulolungon nga madulom nga dapat paathagon, kbp; kaugalingon nga mga kakulangan sang isa ka manunolat nga bag-o kag indi sampaton. Lwas sini ano pa ang sarang mahimo? Ang akon kubos nga kinaalam, ang kakulang sing painuino, kag diutay nga nahibal-an sa pulong nga kinatsila (kay wala ako mabun-ag sa iya sabak), wala paghatag sa akon sang madamo nga tinaga nga mamalaybayon kag matahum; kay wala’y labot nga wala ako mabugayi sing isa ka buhi nga handurawan, indi man ako maayo magpili sang nagakaigo, kag kulang pa ang panuigon ko (14 ka tuig ang natimpos kag malapit pa lamang sa ika-15).
Badlunga ang akon sinulatan, maluluy-on kag mapainumuron nga bumalasa, apang indi ang iya kaisipan. Matuod nga ang mga binalaybay, akon, ang mga santu subong man, apang ang kaisipan indi akon. Kon ang tagsulat, nga ang
