xiii
wagayway, mga gorogamgam, mga búrak, mga kuwetes, asin iba pa; -- asin sinamnohán síring sa magkakanigó an sarong sakayán, duman hahalatón ninda su
virgen; na, si Leónido, su matua sainda, na huli kaini
iyo baga bílang an korokapitan, bominulag sa saíyang
pagiriba, pangyari na inurawa ni Satan (na sa diwata
su gúbing) sa pagladlad saiya kan sinambit nang atbong, sa pagpasíbog saiya: alágad su akí, dánay sa
saiyang mga pagtitilá, isinisikwal su mga panggagayuma ni Satan, nin huli kaini inapod nya su saíyang mga
pagiriba, tangáning poonan an labanan; dangan sa atúbang kan pangkat nin mga demonio, hominampang an
saró man na pangkat nin mga ángeles, na pominadulag
kan mga ito49 huli kan saindang kabagsikan, asin
mataodtaod, kan magkaurulían su mga áking católico,
pagagi kan Virgen nin Antipolo, tinaraong-galangan
iniho na inawitan sya kaitong gotos asin mapamahayag
na coro na iyong katapusan kan Sa Tampi nin Pasig:
"Tara! Rosa na dalísay,
Reina sa kadagatan;
!Tara! talá na malínaw,
Tapat na bulalangaw
nin kamoninongan!"
Sinabi nyamó na, minsan si Rizal dánay na nabúhay na tagapagáwit, an saiyang mga mapangrawitdawit na mga kasuratan kadikiton sanang gayo; an gabós na ito anas na mga "may dahelán," mga isinúrat sa kahagadán nin siisay man o mga ipinasabong sa mga pagkamugtak okun sa mga pangyayari sa saíyang buhay su décima50 na Pighagadan Akong Tula, sinabi na ginibo lámang, huli ta may naghágad (sakalé su saíyang iná); dai na kami masabi dapit sa mga rawitdawit ki S. K. o sa ki Bb. C. O. asin R.; kan sya nagpalibang51 sa Alemania (Abril, 1886), "nagpapahorohayáhay" sa pangpang kan Neckar, nakipagólay Sa mga burak sa Heidelberg, sa mga tingog na orog karahay an kahologán asin mayó nin mga kakundían; nasabahígay na gayo52 su mga pataratara sa kaaldawan ni Padre Ramón asin ni Comandante Carnicero; síring man an masasabi dapit sa Paggamlang asin sa Talisay, mga
- 49 Kan Demonio.
- 50 Verso na binibilog nin sampolong rayray.
- 51 Nagbabakasyon.
- 52 Nasa oportunidad.
- 49 Kan Demonio.
