xv
"Nagdudulag luhaylúhay,
gabós nyákong minamahal,
sa katáid nyákong túnay;
itoho gadán, iniho kinasal;
lambang sakong kinakaptan,
tolos na tinatakopán
kan sakuyang kapaladan,
lubós na kadalitaan."
!Kalag na bangsawa! daing isinosombong na siisay
man; orog nang gayo, sa saíyang mga kariworokan,
iyong sinosolsol an kapaladan. Bakó daw na nangyari
iniho kan panahón na nagkakabarangá su saiya mansanang mga kahimansá", su iba nagsuronod kan
kabotan ni Del Pilar asin su iba man nangagdánay na
mga dayúpot ki Rizal? Sa sakuya.. sarong ompok
nin mga panghimasol asin mga pagsasagwé: pominoon
sa paghinanakit na "di na inaarang an musa"; na sa
baldit kan Helicón,
an hinahágad sa garzón
sarong taza lang na café
na,
nin katongohan sa baldit,
na sa pusó nakalódok,
sarong tulá ginogúhit,
nin batbat nganí na sipol,
saróng mapagtuyang horon,
tataramon na paólok."
Kayá ngani (asin digdi minapoon an kapahayagan nin
pagláyog asin pagkaigwa nin rigon):
"Musa, na kan panahón,
sakuya ka nagpasabong,
nin rawitdawit na gayo,
pagkamoot na totoo,
ngunyan sakong kaipuhan,
sarong espada na túnay,
sarong sálog na bulawan,
sarong prosa na malabsay."
- 54 Paisano.
- 55 En vez; sa lugar.
