xviii
sa saíyang bansá, ilinadawan an mga kagayonan kaini,
saiyang nginaranan na Mutyá nin Dágat Sirangan, nawará nyámong muraway; iginúhit su cuadro kan himagsikan, saen mga daing pagalangán, an búhay idinodúsay,
anó kun máging ciprés, dawá bukas na labanan; itinatao nya man an saíyang búhay, naoogma sya huli ta sa
katapusan nagbanagbánag an aldaw na minamawot; an
ikaapat na estrofa magkakanigó kan saiyang mga pagmahal, naggigiromdom:
"Mga pangatorogan ko kan aki pa akong sadang,
Kan saró nang barobatá, maginhawa panong buhay,
Iyo na ika makita, Perlas nin Dágat Sirangan,
Mamara an matang itom asin an ángog mabansay,
Bakong korot, bakong korós, máyong digtang kasopganan."
Iyo an banding60 kan Bansang Filipino. . . "Ma- bansay síring sa pagsárig, dalísay siring sa liwanag" itinalǎ nya sa ibang kabtang. Su cuadro garong naghahagad nin sarong huwad baga bílang: mga kuray okun buril... asin napagatidatid ito kan dakúlang si Tolentino, kan paggibo nin sarong dibujo sa saró kan satúyang mga sello postal: iyan an gráfico. Nagpadagos su tagapagáwit:
"Pangatorogan nin búhay, sakong maláad na horot,
!Mabúhay! ólay kan kalag, madalé nang tumalikod;
Abaang ogmang mapukan tanganí kang makaláyog;
Magadán na mabúhay ka, kan símong lángit sa tangod,
Asin sa saímong dagá sagkod lámang kumatórog!"
Mga fantasía asin mga giromdom an minabilog kan mga paksa kan mga minásunod na mga estrofa; an dagá, sarong cementerio, su talá-sinag61, su tala-ínit62 minaralabay sa mga mata kan namomoot na parabasa o naghihinanyog; su mga nagtitíos nin mga sákit, su mga pinadudusahan, su mga nangangadyé, su makibanwaan na nagpapahubayang malingawan, na aradohon su saíyang húkay asin su saiyang mga kabokabo, makabilog kan alpog kan saimong alfombra (su sa banwaan); alágad natatadá sya:
"Sakong liliboton gabós simong angkas, pátag, ruwang,
Sa saimo na pagdangog áwit ako na dalísay...
An pagtubod kong matubis oolitón na dayáday."
- 60 Imagen; ladawan.
- 61 An bulan.
- 62 An aldaw.
