Page:Mga Rawitdawit Ni Jose Rizal.pdf/35

— 12 —
AN BERANGTAS⁶⁷
SI URBISTONDO KATAKUTAN SA JOLO

Sanggatós na sakayan,
Na sangkap nin kadasigan,
Su Manilá binayaan,
Mangiring dágat sinakay;
Dai nahaloy natanaw,
Joloanong kamorosan,
Tolostolos nagbirítay
Nin sangribo na wagayway.

Tolostolos pakabátay
Mga soldádong pusúan,
Sa saindang mga baybay,
Mga cañón tinaraytay,
Iyong naaatubangán
Mga kutá kan kaíwal;
Sa tíngog na barongitan,⁶⁸
Nagpahayag su General:

"Soldados, an tagumpay,
Nasa dásig nindo lámang;
Kun iórong an salákay,
Marhay pang ako magadán;
Hilinga nindo an Bansá,
Hanga⁶⁹ saindo dakulá,
An noble nyang mga tandá,
Saindo tinitiwalá."

Pakatapus pagpahayag,
Anggot baga na Dumágat,
Likos nganí na banáyad
Nin bagyong makangingirhat,
Na saen man nagtatanom,
Mondó na dai nin sókol,
Luhá na malipungawon,
Lubos na nagdadaroydoy.

---

⁶⁷ Combate.

⁶⁸ Tingog na nagpapahiling nin pagkadai nin takot.

⁶⁹ Confianza.