— 14 —
ASIN KASTILA SI ELCANO, AN ENOT NA
MAKALIBOT SA KINABAN
Másaen daw bayá iyan,
Hirilakó na sakayán,
Nangahas ngáning sumakay
Mahíwas na kadagatan,
Sa paghánap nin banwaan,
Na di pigalamaanan?
Sisay iyan naglalakbay,
Sa mahiwas na kinaban,
Daing tákot, daing handal,
Sa harárom na Solnopan,
Sagkod sa rósang Sirangan?
Kan España bayani iyán,
Sa Pirene bag-ong Titan,
Madahas na kikalaban,
Di nya kikatakutan
An bagyong kagiramgíram.
Si Elcano, na nangahás
Gumibong makagilantas,
An kinaban nagngalas,
Ipinangákong banáyad,
Na ootobon nyang háyag,
Asin ta di sya nangirhat,
Kan pagkadakúlang labat.
Aguila bagang makosog,
Minaitaas sa doros,
Sa daing pantay na láyog,
Maliksi na bulanos,
Hiró na máyong kaárog,
Asin lámang nag-oólok,
Kan bagyo sa hagobóhob,
Síring man nganí an tanog,
Kan marígon na dalogdog,
Sadyang inoologólog;
