This page has been validated.
— 15 —
Asin bato bagang búhay,
Na di natatanyog lámang,
Kan rigon kan kadagatan,
Pati kan dahás na túnay
Nin bagyong kagiramgíram;
Na dai malulupigan,
Si Elcano iyo iyán,
Kasu ibongon nyang túnay,
Alon na nagoorongal,
Sinakop na daing liban
Nin kastilá na sakayan.
Linikos nya matagumpay,
Matalidong na kinaban,
Sa dásig na daing pantay,
Dagá sinókol na túnay,
Natuklasan na halakbang.
Nin sangríbo na pagómaw
An símong ángog likosan,
Tagapagkáwat na túnay
Kan kastilá na banwaan,
Nin diadema na makinang,
An símong payo potongán.
Diciembre 5, 1875.
