— 17 —
Alonso Aguilar sinda sinagidsid,
Sadyang barongitan, sa saró na gilid;
Nalúgad, napógot, na nagpapasakit,
Baga oveja an lobo na gánid.
Saíyang Profeta75 sáyang na inarang
Kan mahometano, mabangis na palpal,
Mientras na su rienda, garod hinihigtan,
Kristiánong mapusó pírit kikalaban.
Pamayong madásig dumán napahamak,
Ribok nin labanan na makasisindak;
Garod man, kabayo, síring man kalásag,
Sa dagá na ito nakítang nawasak.
Nangagdulag nganí na nangagtagumpay,
Na mga cristiano, táwong matatalaw;
Síring sa pagdulag nin takot na líbay76
Atúbang nin león mabangis na óngal.
Asin ta su Hadé77 naaliwalasan,
Pagdulag makita na huri nang marhay,
Logsot sa kabayo asin nahahandal,
Tagó sa kadlagán síring sa matálaw.
Nin duwang cristiano idto nasompongan;
Sa tandang sa hadé ninda namidbiran,
Sa ki Don Diego man tolos inatúbang,
Bíhag bagang hadé lubós nalupigan.
Nin mga cristiano idto na Gugúrang78
Dumán sa Lucena hinámak su palpal,
Kastilá naggapus talikalang lansang,
Na boot gibohon bilanggong mapungaw.
- Diciembre 3, 1876.
- 75 Si Mahoma.
- 76 Usang babaye.
- 77 Su Hade kan mga Moros.
- 78 An Mahal na Dios.
