— 18 —
MATAGUMPAY NA PAGLAOG SA GRANADA
KAN MGA HADENG CATOLICO
Sarong banggi na madiklom,
Malipungaw, mapagngoyngoy,
Sa pusó malipungawon
Kadtong banggi sa giromdom,
Saén an mórong monarca,
Sa dagá nin Alhambra,
Nagbabátay mamongaya,
Su lawog nanglungasi na,
Asin su búhok sogayong,
Mga mata samirawón,
Saíyang payo dokoon,
Búrak bagang nagloloyloy.
Mamondoon na gayo,
Su saiya na palacio,
Kan hádeng mamondó
Pinaghiling ito.
Mga luhá nagdaláhay,
Bahá iyo an kabágay,
Su mata naggiraygíray,"
Su atop na makikinang
Liwat namán na tinanaw,
Giniromdom malipungaw
Sa moros na tagumpay,
Síring nganí sa giráray
Sa mahigpit na muráway;
Ngunyan sadyang an karatan
Lubós na pigbagaybágay
Sa nangyari na iríwal,
Mga omináging aldaw.
Síring kaini an ólay:
"Alhambra, simo paáram,
Nin gayagaya lalamban,
Bulanos kamongayahan
Tagob ngáning kaogmahan
Na palacio, bantay,
Burábod na sa giráray
May túbig nin karangahan.
Masingpil sa sakong boot,
Ako símo tumalikod,
- 79 Nakapotitok.
