Page:Mga Rawitdawit Ni Jose Rizal.pdf/43

— 20 —

Ominódong su monarca,
Su mga torre nakita;
Tinorohokan nin mata
Idtóhong mga muralla;
Sa giromdom bominalik
Pakigadanan na gánid,
Kan panahón masalímik,⁸⁶
Horas na maagimíhid.⁸⁷

Kundí dai napogolan
Su saíyang pagkabuhay,
Su paghiling ikinítay⁸⁸
Sa dagang natitindogan;
Su lóong man nakalútay,⁸⁹
Síring kaini an ólay,
Síring an kapahayagan:

"Anó bayá an nadímat,⁹⁰
Granada, kan símong pálad?
Anong nangyaring banáyad
Caballeros mong mapalad?
Símong mga manlalaban
Sa pagtórog nararatay,⁹¹
Kayá, dai ninda áram
An símong kadalitaan?

"Hadé mong orog kamahal,
Ako símong kagurangnan,
Sakúyang nanapolan
Mapungaw na kapaladan;
Ako man irinápat⁹²
Sa mamondong pagkamugtak,
Ako tinúyong hinámak,
May talikalá pang batbat.

---

⁸⁶ Mamonyaya.

⁸⁷ Moninong.

⁸⁸ Huminiling nin potitok sa ibabá.

⁸⁹ Dokó lataw su loong.

⁹⁰ Nanapolan.

⁹¹ Nananánok.

⁹² Idinámay.