Hiédrang99 kanap an kabágay, Sadyang hinalas an lakaw Sa olmo 100 hoyayang túnay, Magkasi kagilantasan Kan hidyaw101 na kapatagan, Asin sa pagtaong kagayonan, Sa pagtalubó man sabay; Asin kun madai olmo na maúgay, Sa pagkadaihi nin karangahan, An hiedra makikita na maharúgay;102 Síring an Inadalan nin dayupot na tipan, Sa mabansay na Pagtubod binobogkos na dalísay; Huli kaini103 an Adal nagkakamit kabantogan; Asin !ay! hérak man kan butang sumikwal Banal na Pagtubod húlit na mabansay, Asin maliwag na minalayas Sa burábod nyang malínaw.
Kun sa vid an maharúpay104 An doldog natúbong maabhaw Asin an mahamis nyang rakoy sató inaálay, Alintanang sa balagon mapagmahal, Iyan kong tinanom nagtataong búhay; An mga burábod na síring kalinaw, Langitnon na gawé sadyang minadúsay Nin saró na bag-o ngáning pagkabúhay, Na inootob sa Inadalan, Pinagkakanoroan105 mga masaga nyang ilaw;106 Sa saiya107 minaalisngaw Nin alimyong maharísay,108 An mga bunga nyang masisiram Sa satuyá nganí pinagkakaogdan.
_________
- 99 Sarong klaseng balagon.
- 100 Sarong klaseng kahoy.
- 101 Verde.
- 103 Maloyos.
- 108 Huli kan Pagtobod.
- 104 Marambong.
- 105 Pinaggigiyahan.
- 106 Ilaw kan pagtubod.
- 107 Sa inadalan.
- 109 Mahamot.
