This page has been validated.
Kun daing Pagtubod, an sa táwong Adal,
Siring sa dahong kan doros kinakalaban,
Nawaraan nin timon na mangiring íwal
Sa makabobongog na túlak asin tinatanyog
Kan Boreas na makatatákot
Kan berangtas na maisog
Sagkod maabhaw na malobog
Sa kantil nin dagat na anggot.
Kun an ambon sa kalangitan Naparigon, minabúhay sa kapatagan, Asin huli kaiyan 109Small text pegasang110 Small textmabansay, Nasublak an kaburakan, Asin ta an dagá, ay, linilikosan; Siring man an Adal, ay, pinatitibay Kan mga húlit kan Pagtubod na banal, Pasiring sa makararángang karahayan Sa lakad na marayráhay; Asin nin búrak na mga matúbang Sa kabanalan nadúsay Saen man nasabwag alimyo nyang túnay.
Abril 19, 1876.
____________
- 109 Huli kan ambon.
- 110 An panahon na tigbubursak kan mga tinanom.
