— 33 —
Si Vicente Yáñez an bominuyagyag
Kan iba sainda na gáweng sa osmak,
Hinandá su tawo129 sa saiyang pangkat,
Sa gampi ni Colón saíyang binugtak.
Su mga alon man hanggang naglalaog
Duman sa sakayán, maluya naglobog
Pinagbabantaan sinda kan maísog,
Iyan kagadanan namatatákot
Na magadán sinda nasa-pagalaman,
Ta kan kagadanan pinagbabantaan,
Alintánang gáyong na pinagrorotang
Su saiyang ompok nin mga sakayán.
Ni Colón pinaghinguha
Na ikariligtas
Su mga tawo nya,
Asin nakita man,
Sa labing lipungaw,
Na napapahámak
Saiyang sakayán;
Dai nya boot bayaan,
Asin ta ominagrángay,
Oveja bagang nawaran,
Hamís nin kamongayahan.
Mamondong kinita
Idtong sakayán nya,
Na lubós nang hawan,130
Dai nang kaiba,
Mamondó giráray.
Nagsasarósaró
Lámang si Cristobal!
Su saiyang hilingon
Malódok na marhay,
Nangangalagkálag,
Luhá nadaláhay,
Huli sa saiya
Baga na karatan,
Kanayon hagayhay:
- 129 Sa mga tawohan ni Vicente Yáñez.
- 130 Dai nang tawo.
