— 34 —
"Paáram dahong na mahal;
Sa saimo paáram,
Ika na sadyang nanakay
Sa mahiwas na kadagatan,
Maghalé sa Iberia131
Na may kabanalan,
Sanríbong pagalamán,
Madasig mo na hinampang,
Nagkukuyog kang talaga
Sa sakuyá na kabotan,
Pakulbaa an mga kasakitan
Kan sakuyá ngáning kalag!
"Kun mamondó akong
Mináhiling símo,
Asin sa paghiling
Kan tadá saimo
Tagob nin horasá
Nahagayhay ako! . . .
Siring sa mabangis
Na kapaladan,
Rinangsaan ninda
Simong kagayonan!
Sakalé, ika su sakayán,
Na sa masanggáyang aldaw132
Saímong ipinahayag
Su saímong kadasigan,
Asin sinósorog
Kan bagsik na diosnon,
Maabhaw kang nanunúmang
Sa bangyong makariríbong? . . .
"Sa dagang kastilá pan-o ko pagbalik
Na dai an sakong Santa Maria?133
Matanos asin maugayon na lángit!
Pan-o nyákong ikaósip
An barétang mapádapit
Sa dagang ining matúbang,
Na satúyang nasakopan,
Kun ika, mutyá na dahong,
Kan mga bolod nasa-sa-irárom?..."
- 131 España.
- 132 Sakalé, su pagtulak ni Colon sa España.
- 133 Saro sa mga sakayan ni Colon.
