— 35 —
Kaito ni Colón síring su pagtaram,
Humaring nagaliwayway
Ito nganí na sakayan,
Nagbutas na gayo nin sarong hagayhay,
Sarong pagpahayag na di kinataram,
Mga hinanakit, panong kasakitan,
Síring sa mapait baga na burábod
Sa mga mata luhá nagsosolog,
Nin mga pagmondó tagob
Dangan pálad na maráot
Madadahas na pahatod134
Mamondong ipigbaretá
Sa Guacanari na dagá;
Asin su saiyang dagyang135
Nakasadol na opakán;
Asin su Cacique
Nin iba pang mga káwat
Tominogdas
Ngáning háyag,
Makaoogmang banáyad;
Asin si Cristobal,
Kasu máhiling man,
Tapus na su kaogmahan
Asin su kaparalyakan;
Sa mga soldados tolos na nagboot,
Su putok nin cañon sadyang ipadangog,
Cacique, tawohan, ay, nagkatarákot,
Kasu mamatean mapangdigmang tanog.
Nagpasiriring na haraning kadlagan,
Nin táwong sisay man di pa pigerokan,
Su mga indios man ngalason na marhay
Kadtong mga sangkap sa pakikilaban.
Sa potok nin cañon, totoong matanog,
Anas napahámak gabós nangagtubod;
Su di makadulag sa dagá nalogmok;136
Su iba na indio, ay, nagpaborókod.
- 134 Mensaje.
- 135 Precencia.
- 136 Dai nakahiró.
