Page:Mga Rawitdawit Ni Jose Rizal.pdf/99

—76— DALIT SA TALISAY CORO

!Tara, Talísay!

Tugsad asin dánay,

Ika sa giráray

mangengenotan

na málakaw.

!Ika, matagumpay,

gabós na babahan,

doros, dagá, kadagatan,

saimong malulupigan!

Mabasod na baybayon kan Dapitan
asin mga bato bolod na halangkaw
iyong simong trono, !oh erok na banal!
pagkaaking malodok iyong inagihan.
Sa saímong pátag nin búrak binahan¹⁸¹
asin lilindongan mga kakahoyan, ¹⁸²
samong pagísip bulanos nalalang,
kan samúyang hawak na kalag kasabay.

CORO

Mga akí kamí, pinangaki hodyan,
alágad an kalag bílang sa matúbang,
mga tawong pósog mádatong na aldaw,
tataong magmato saindang kasar-an.¹⁸³
Kami mga akí, dai natatákot,
sa alon, sa bagyo, mani sa dalogdog;
nahandá an takyag, monínong an lawog,
kami man tatao na makipaggobok.

CORO

Mga káwat nyamó bibúkag an baybay;
samong linilibot lungib, mga dagang pisang;
nasa mga bato samong kaharongán,
mga hamo nyamó náabot saén man.
Daing kadikloman, bangging madidiklom,
samong matakutan, mani barongbarong;
minsan pa si Luzbel tumung-ab nin básang,
madadakop nanggad gadán man o búhay.

---

181 Sinamnohan; pinagayón.

182 Nasisirongan an mga kahoy.

183 Familia