PUBLICATION BOARD THUHMA
Zofate tana ṭangkai tur lehkhabu chi hrang hrang tihchhuah kawngah Mizoram Publication Board chuan theihtawp a chhuah reng a. Lehkhabu ziaktu tam tak ṭanpui an ni tawh a, ṭanpui chhunzawm zel tum a ni bawk.
Lehkhabu thar bakah Zofate tana lehkhabu hlu bik chhut nawn kawngah pawh a ṭul anga hma lak zel tum a ni bawk. Mizo ṭawng lehkhabu, chhut nawn atana ṭha zual, kum 15 liam ta hma lama lo chhut tawh, tuna a bu hmuh tur awm tawh lote chhut nawn kawngah Mizoram Publication Board chuan ṭanpuina a pe thei bawk a.
Rev. Liangkhaia ziak Mizo Chanchin pawh hi 1976-a chhut daih tawh kha a ni a, kum 25 lai a lo liam ta a. A bu chhiar châk an tamzia kan hria a, lehkha ziak kawngah pawh mi tam takin an râawn duh chi tk a ni tih kan hre bawk a. Chutih lai chuan a Copyright neitu-in chhut nawn a rawn dil tak avangin keini pawhin lawm takin kan lo pawm a. Hetia chhutchhuah a lo ni leh ta hi thil lawmawm tak niin ka hria.
Boichhingpuii Chairman Mizoram Publication Board & Director, Art & Culture, Mizoram
