MIZO CHANCHIN
tâwk leh thei tâwk a ni chauh zâwk a ni. Ka ziak dik loh deuhte pawh a awm ka ring a, chu'ng atân chuan tupawhin min ngaihdam ka dil e...', a lo ti leh chiah bawk a ni. Amah chu hre berah a inngai lo khawp mai.
Heng aṭang hian thil dik tawklo nia lang siam ṭhat a inhuamzia chu a lang chiang a. A Mizo ṭawng ziak dan kalhmang thlengin siam ṭhat a hreh lova, a siamṭha zel a ni tih pawh a lang. Hetiang a nih avang hian kum 1976-a Mizo Academy of Letters-in thu tlem azâwng an han tihdanglam pawh kha, tute rawtna avanga tihdanglam nge a nih, leh khatih laia tidanglamtute kha tute nge an nih tih hi chhuichhuah mai a har tawh a. Chhui chhuah pawh a tul tawh kher lo mai thei e.
Khatih laia thu râawntuteho kha hre hlei thei rih lo mah ila, a ziaktupa khân tihdanglam a nih dan hi a lo Amen-pui a ni chek ang. A mit men laia a remtihpui ngei (a remtih dan ang thlapa thlâk a nih ngei ring ila) tuna han tihdanglam ṭhat leh chu a thultho deuh hleka a lan avangin kei chuan ka khawih danglam ngam ta lo va. Amaherawchu, hrit dan inang lote a awm thin avangin inhnialna neuh neuh chu a awm chho deuh reng mai thei. Engpawhnise, lehkhabu ziatute hian mi zawng zawng duh dan chuan an her rem seng lo tih erawh chu kan hriat reng a ṭha awm e.
A tâwp berah chuan, hetia chhiar theiha a lo awm, leh ta hi thil lawmawm takah ka ngai a, he lehkhabu ngainatu leh hmang ṭangkai tawh thinte leh la hmang ṭangkai zel turte ka duhsakna sâng ber ka hlan e.
B-43, Fakrûn. Mission Veng, Aizawl.
Dr. Laltluangliana Khiangte Chhuahtu (Publisher)
