Mizo Chanchin
(3) Kawlho titi: Kawlho titi-ah pawh "Lusei hi Lusi an ni a, Kawlho zinga hnam 10(sawm)-na an ni a, kan inṭhen daẉnin Khampatah hian Bung an phun a, a zarin lei a khawih hunah Lusiho nen hian kan inhmu khawm leh ang, tiin thu an tiam a ni” an ti. Mi za tarn fê, Sainguauva hova Kâwl rama an han luh kum 1920 lai kha a zarin lei a khawih kum tak a ni, an ti a, an sawi duh hle mai. Tunah chuan Kawl ramah Mizo tam fê, in 100 lai aia tam an lut chho leh ta a, kan thlahtute lamah kan kir leh ṭan dawn a ang hle.
Mizo hnam hming hi a tirah chuan mihring hming a ni deuh vek a, nikhua lo reiah an thlahtu ber hming kha hnam hmingah an hmang zel niin a lang a, chuvangin Lusei ho pawh hi an thlahtu ber chu Luseia a ni ang a, chu mi thlahte chu "Lusei" an iti ta a ni ber ang e.
2. Kan ṭawng kal dan: Kan ṭawng hman lam thu-ah pawh hian kan han chhui theih hla berah chuan Tibeto-Burman ṭawng an tihte zingah hian kan tel a ni. He mi (Tibeto-Burman) Tibet leh Burmese (Kawlvai) ho ṭawngte hi Aryan thlah ṭawng kal dân nên a inang lo êm êm a, keini Mizo ṭawngte hi Aryan lam ṭawng a ni lo va. Tibet leh Kawlvai lam ṭawng chu a ni zawk. Tin, heng Tibet te leh Kawlho ṭawngte nen hian kan ṭawng a inanna a la awm zeuh zeuh awm e. Tibet lam atangin Kâwl mite khi tuna an ramah khian an lo lut ni se la, keini Mizo ho pawli Kâwlho ram aṭangin tuna kan awmna ramah hian kan lo lut thla a ni.
Chutichuan keini ho hian Tibet ai chuan Kawlho kan ang zawk a, Kawlho ai pawhin Meitei ho nen hian kan la inhnaih lehzual a ni. Chutichuan a tirah chuan Meitei hote nên hian Kawlvai ram lam aṭanga lo chhuak ho kan nih a rinawm hle mai. Chhinlunga khuaa darh ho pawh chu kan ni mai thei awm e. Kawlho te leh Meitei te nena kan la inanna deuhte chu heng hi a ni:-
