Mizo Chanchin
Pastor Liangkhaia'n he lehkhabu a lo ziak hi ka lawm em n a ni. In thlahtute chanchin in hriat hi in tan pawh a tha. Aizawla ka awm lai khan kei pawhin hmanlai chanchinte ka zawt thin a, he lehkhabuah hian chu'ng chanchinte ngei chu ka lo chhiar leh avangin hmanlaia Bawrhsap ka nih laia ka khaw fannaa naupang inchuh tura ka pawisa vawrh te leh lal ina zu bel bula kan thu-khaw-chang sawi lai te kha ka lo hriat chhuah phah ta a ni. Chung lai chanchinte chu ka ngaihtuah fo thin a.
Lunglei ka chhuahsan dawna ka thian tha tak tak Seipuia te, Lalthangvunga te, Lalluauva te hovin Râl chaw bél chu Vandula leh Zahuata'n rei tak an indo phah a, chu chu kum 60 lai a ni ta. Chu'ng ka thianteho zingah chuan Lalluauva hi ka thian rinawm ber a ni.
Mizorama lo kal leh a, chu'ng ka thian hluiteho Darkmaka te, Zataia te, Luseia te leh ka thian dang la dam apiangte pawh rawn hmuh ka chak hle mai a; nimahsela ka lo tar êm mai a, ka ke a bai ta bawk a. Hmanah kha zawng kawng chho tak takah te pawh awl takin ka kai thei thin a; tunah zawng hmun zâwl kawg phei takah pawh mêl khat pawh ka kal thei ta lo. In hnenah lo kal leh thei ta lo mah ila, ka la han hre reng thin che u a ni. He lehkhabu lehg a siamtu hi kawng engkimah a hlawhtlin ka duhsak e.
In vaiin dam takin awm ang che u.
Chelsea
London
Sept.26, 1938
In thian Tarmita. (John Shakespear)
