netteppè kawǎjibhǎnna kalabǎn ghoe-ongghoe atè, Mon tjora ghǎnèko pon brǎtta èsasak, mangka ta’ nemmo pè-napè, maḍḍhǎ pas terros ḍǎ’ Arnwood.”
Sarḍǎḍoe laènna ngotja’; ,,Engghi, bhenḍer ongghoe otja'na: dhika ghǎnèko, pola Karel mè’ ngètek è kennenganne orèng tatta’ orèng ko'issa, sapa tao?”
,,Kèra boeliǎ mon sèjang Karel masè ta’ ngètekka èko'issa, mon malem ollè dhǎddhi, molana kèḍi’ malem kennenggan ghǎnèko maḍḍhǎ brǎksak bhǎi,” djawǎbbhǎ kapalana.
Sarḍǎḍoe sè laèn polè mator: ,,Neng kennengngan ghǎnèko la’ bǎrintona empon pan-bǎrǎèmpan kalè èsarasak bi’ boelǎ sakantja, nangèng taḍǎ asèlla, amarghǎ: bǎng-labǎngnga kabbhi labǎng: rosèja, lǎn- djhǎlǎnna bannjǎ’ sè malarat, tèng-lotèng bǎn bing-tabingnga bengko ghǎnèko akep-rangkep.”
Pangradjǎna aḍhǎboe polè: ,,Bengko ghǎnèko lakar dhǎddhi pangongsèanna orèng djhoebǎ’ǎn. Nangèng boelǎ asangghoep mèghǎ'ǎ rèng-orèng djǎhǎt sè ngètek è bengko ghǎḍijǎ ḍǎlem tèmpo sapolo eddjhǎm, akalla: bengko bǎn èssèna kabbhi obbhǎr, Djhoeghǎn mon pon terrang, djhǎ’ Karel ngètek èghǎḍijǎ. Pangghǎbǎjǎn ghǎnèko kodhoe èlakonè bǎkto malem, sabǎb mon sèjang Karel ta’ tanto djhǎ’ bǎḍǎ èghǎḍijǎ. Southwold, napè dhika tao ḍǎ' padhâlemman Arnwood ghǎnèko!”.
James Southwold mator: ,,Boelǎ tjoma tao maso' ḍǎ' kamar sè bǎbǎbǎ kadhibi’ bhǎi, engghi anèko kamar panjèmpennanna pè-kopè, bǎrinto kèja ḍǎ’ kamar è ḍǎlem tana bǎn ḍǎ’ por-ḍǎporra boelǎ ampon brǎtta; tjoma ḍǎ’ kamar kaattassa boelǎ ghi’ ta’ tao lebbhoe sakalè.”
Pangradjǎna aḍhǎboe polè: ,,Parkara-ghǎnèko ta’ dhǎddhi napè; anggher dhika tao nigater napa’ ḍǎ’ ḍǎlem bengko ghǎnèko bhǎi pon tjokop.”
Southwold mator ka kaptèn Ingram: ,,Mon tjoma ngater ghǎn ghǎḍijǎ bhǎi boelǎ asangghoep; bǎrinto kèja ḍǎ' kennengnganna bir sè man-njaman.’’
,,Empon, empon, Southwold, ghǎn ghǎḍijǎ bhǎi. Maḍḍhǎ bhǎ abbhǎi djhǎrǎnna, tja-kantja, agher boela mangkala ka tjora ghǎrowa. Ḍǎgghi’ mon èko'issa’ ta’ nemmo pè-napè, maḍḍhǎ ngèrrem dhǎlloe sampè' malem. Mon pon petteng aljalèmotan, Arnwood pas obbhǎr; è bǎkto ghǎnèko bengko pas kèppong. Pa’-sapa’a sè kalowar ḍǎri
