polè, saklangkong sangsarana, kantos andhăddhiăghi langpatèn. Èbăsapanèka Cromwell ta’ ngètong kamlaratanna abă'na sareng patèna orèng. Parkara panèka sadhădjă. Jakob ta’ onèng; sè èkaonèngè taḍă’ laèn, kadjhăbbhăna Arnwood bhăḍhi èobbhără è malem ghăpanèka. Melaèpon rèng-orèng sè apo'-tjompo’ èangghăḍiyă kodhoe dhoeli ondhoer otabă ngongsè ḍă’ laèn kennengngan sabelloenna padhălemman èobbhăr, sabăb mohal manabi Jakob sè kellara nolak saddjhăna ḍoe-sarḍaḍoe ghellă’ èugghărowa. Toro’ djhălăn Jakob ta’ essa asokkor ḍă’ Ghoestè Alla, amarghă sè èparèngè onèng, djha’ bhaḍhi băḍă’ă bhălăi ḍătengnga.
Sanattolla ka tjompo’na; Jakob ladjhoe makè’è djbărănna, sè bhăḍhi ètompa’a ḍă’ Arnwood. Saamponna marè bhă-ngabbhăi djhărănna, pas mangkat. Abittèpon è djhălăn kantos ḍoe eddjhăm, nattolla ḍă’ Arnwood pokol satengnga tello’ sèjang. Sarrèna è bakto ghăpanèka kalerressan boelăn November, mèlana sèjangnga arè namong sakeddjhă’. Pèkkèrra Jakob sambi nadjhă’ talèna ghenṭana labăng: ,,Sèngko’ masè malarata ngoman njonja Miss Judith. Bărămma’a sèngko mon Olivier bi’ bhălăna pas dhoengkap ḍâteng kanna’, Nangèng......tja'na dhâgghi’!’’
BHÂB SÈ KAPÈNG ḌOEWÂ’.
Sabelloenna Jakob apangghi sareng Miss Judith Viliers, mangkèn bhâḍhi ètjarèta’aghiâ ḍhimèn, ḍâ’-panḍâ’ bisaos, bhâb kabâḍâ’ânnèpon padhâlemman è Arnwood, dhi-abdhi lakè’na Kornèl Beverley kaabbhi ngèrèng lorana aperrang, namong kasorang sè atoghoe dhâlemma ; dhâddhi kebbhoen ngèras padjhârânan; dhinèng dhi-abdhi binè'na, namong karè katello kabâgiân adjâgâ èḍâlem. Sarrèna para abdhi sè ngèrèng Kornèl ghellâ’ taḍâ’ sèttonga sè palèman, dhâddhi dhi-abdhi laènna sè paḍâ tjetjèr njangka, ollè dhâddhi paḍâ matè è paperrangan asareng lorana. Rèng-orèng sè paḍâ matè è paperrangan ghâpanèka pas ta’ èghântè’è polè, amarghâ rèng orèng dhisa sasat paḍâ taḍâ’ sè porona madjâr sèwana tanana (namong sakonè’ bhisaos sè poron madjar). Ponapa pelè sareng bâḍâ berta; manabi Parlemmèn mennang perrangnga, pas paḍâ ghâḍhoeân pangèra, manabi na-tana bhâḍhi èrampasa Parlemmèn sadhâdjâ. Mèlana rèng-orèng sè paḍâ njèwa tana sadjâinè mateṭṭeng ta’ poron madjâr sèwana, tako’, pasèra onèng, amè’ aba’na
