This page has been proofread.
122
Saamponna marè neddhă, na’-kana’ sé katello pas padă abăli ka lalakonna kantos malem. Kalagghoeătinnèpon kadjoe ollèna mogher èator èsaklènglèngnga tana sè èpaghărăna, terro onènga tjokop bhoentenna. Sè mogher kadjoè kantos samènggoe abittèpon; saamponna na’-kana’ sé katello pas
molaè ngalè lobăng terros namen kadjoena sakalè; dhinèng sè ètamen bănnè kadjoe nè’-kènè’ bisaos, la’-ella’, pala doew’’ otabă tello deppa èngala’aghi kadjoe sè abăk ghăsar. Sareng ampon pa’bhellăs aré abiddhă’, tana ghapanèka marè sè èpaghări. Saklangkong bhoengana Humphrey, nèngalè tanana ampon sèngko. Humphrey ngotja’:,,Sarrèna pangghăbăjăn rèja ella marè, bhănget tang panarèma da’ bă’na băn dă’ Pablo, Eduard, sè la padă nolongè salar-kellarra ; dhinèng parkara dhăboe’ănna rebbhăna dhina sèngko’ mènta’a tolong ka Alice so Edith, mè’ ètjètjèl. Bilă ghăng-lagghăngan bi’ sèngko’ tana djrèja èmen-tamennana pa-apa.”
Eduard: ,,Mon kèra bă’na ta’ mènta’a tolong polè, séngko’ èntara ka Oswald, ngèbă’ă Pablo, sambi sèngko’ terro ngèdinga kabhărră Corbould ban tèrro taoa, apa towan Kobăsa ella dătèng otaba
ghi’ endjă’.”
Humphrey: ,,ljă; mon bă'na la molè, sèngko’ èntara ka Lymington mellèa angghoejjă Pablo, săbăb angghoejjă ella dhăldhăl." Eduard: ,,Ijă.” Alice: ,,Mon bă’na èntara ka Lymington, sèngko' mellèaghi pennaj so boedjè moso.. . . ; nangèng dhina sang sen-pessen so séngko’ ètjatettana bhăi,. ba’na mè’ ta’ loppa.” Humphrey: ,,Ba’na mènta’a lè-ollè apa, Edith?” Edith: ,,Sèngko’ mellèaghi bhinjak, adjăm kalkoen so ètèk. Nangèng endjă’, endjă’, boeroeng, sèngko’ ngantos radjina tang pètè’ ghalloe.” Humphrey: ,,Njăman ongghoe, ètèkka djărèja mè’ ollè ngojan-lang-ngojan è kolla èboediăn dissa; dhina so sèngko’ ghi’ èpadilemmana.
Edith, lagghoe’ sèngko’ tolongè abherstè’è bhăbăng.”
Edith: ,,Marèna tang tanang ta’ pas abărsè'è bhăbăng.” Humphrey: ,,Ta’ èkarapa, bilă marè pas abăltjo ngangghoej sabhoen.” Edith; ,,Ijă, nangèng mon sèngko’ ta’ nolongè Alice aghăbajntèghă.”’ Humphrey: 0, ijă ongghoe, sèngko’ pas terro njarèa nè'-bine' sè èlamenna è tegghăl sè anjar.” :
