126
mèjos ka Londen, tja’na tjoma parlo ngèstèjarana sopadjă orèng sè katello bhoeroe ta’ kangsèa èokom patè, tapè ta’ paasèl.”
Eduard: ,,Rassa kaoelă manabi Sang Radjhă ampon raboe è Schotland, masè bănuja’a orèng sè bhăkal kaparèngan pangghăbăjăn,” Oswald ; ,,Kèra sèngko’ ijă bărijă, nangèng antos bhăi dhălloe, bă’na djha’ soe-kasoesoe.” Eduard ; ,,Corbould ponapa ampon saè?” Oswald; ,,Ollè pèndhă, tandhăna la ngennèng djăr-gălădjărăn, nangèng sambi adhoengkeddhăn.” Eduard ; ,,Njara, ka djha’ tèdoenga, sabăb kaoelă lagghoe’ palèmana ghi’ petteng. Manabi kaoelă andi’ parlo pa-ponapa, Pablo sareng kaoelă è soroa ngaterraghi sorat,” Oswald; ,,Ijă bettjè’; elloe’ Smoker èpalebbhoeă ka kandhăng, mè’ ta’ abhoewăng so bhoeroes laènna,” Katjatora Eduard ta’ poron ngèddhă tèdoeng, amarghă kèr-pèkkerăn Sang Radjhă bisaos; grennjetta atèna sapanèka ; ,,Băddhinna orèng Schotland rep-ngarep Sang Radjhă, sopadjă raboeĂ dă’ kassa; mon Sang Radjhă raboeă tanto abhăkta pardjhoerit.” Pandă’ Eduard matodjoè’ pekkèrra, djhă' bhădhi maso’a dhăddhi bhălăna Sang Radjhă. Saamponna marè kèr-pèkkèrăn, abă’na pas tareddhep. Băkto dhă-ngèddhăna abă'na amèmpè dhăddhi kapala perrang, alorok moso,
bhălă sè ekapalaè onggoel perrangnga. Băkto abă’na ngèding, arè ampon tèngghi, Mèlana abă’na èngghăl-engghăl adhăndhăn sè bhădhi palèmana, tako’ amè’ sèsèp djhăndjhina ka Humphrey. Ghi’ ta’ pokol sanga’ Eduard ampon nattol dă’ kennengnganna sapè, boedo’na èpangghi bădă. Ta’ abit ladjhoe molaè ngolèt sapè èngghănèka sarta pas èdhoedhit, èpakalowar băi’ dălemma, Nalèka ghăpanèka Humphrey sareng Pablo dateng nompa’ djikar, ètarèk djhătrăn sè plangka,
Eduard: ,,Tang lalakon la para’ marèa; boedoe'na djărèja tjè’ kessètta, Humphrey, bărămma akalla sè èkennènga?" Pablo: ,,Dhigghăl kaoelă sè mèghă’ă èkadoewă’ăna sareng Smoker.”
Pablo ladjhoe ngala’ talè; kontjo’ “saladjăna èkabhădhi djhiră’, saladjăna ètalèaghi ka tanangnga. Pablo ngotja’: ,,Sapanèka akalla orèng Spanjol manabi mèghă’ sapè. Pakakas panèka njamanna lasso (1). Pablo pas ahoejjoeăghi Smoker, sopadjă abhoewănga sareng empè’.
(1) Tanen èontallaghi sareng tanang.
