127
Teppa’ dhi-dhădddhina abhoewăng, Pablo ladjhoe ngontallaghi lassena; empè” kèngèng djhiră’, pas lè’èrra abbeddhăl, Pablo sè èkabhoeroeăghi kantos laboe. Ontongnga Eduard sareng Humphrey èngghăl njandher atolong; empè’na kèngèng pèghă'’ pas èpaonghă ka djikarra. . Eduard: ,,Sarrèna bă’na sè mèghă’, empè' rèja Kala’ bă’na. Satèja sèngko’ partjadjă, djha’ bă’na pènter ongghoe pamègha’na sapè.” Humphrey ngalem sapanèka djhoeghăn, mèlana Pablo mekkar kopèngnga.
Katjatora sapè sè èsambhelli, tadă’ sè èpatjèttjèr sabighia, sadhăjhă èbhăkta palèman, kantos dă’ băi' dălemma sè ta' parlo, amarghă Eduard sareng Humphrey èmot dă’ bekkassa Alice, djha’ èteddhă'ăghiă ka bhoeroessa. Humphrey saklangkong addhrengnga sè terro èntara ka Lymington, amarghă sè prappa’na adjhoewal dhăghing dhingèn ghi’ ta’barătta sè ngal-nèngalè, mèlana kalagghoeănna abă‘na anèjat asarengnga
Pablo, ka Lymingtona, sarrèna kana’ panèka ampon kèngèng èkasareng ongghoe. Kalagghoeănnèpon saamponna marè asarabbăn, Humphrey sareng Pablo mangkat abhăkta djikar, sè èboewă'i dhăghing sareng kolè’na sapèna. Laèn dări ghăpanèka abhăkta tellorra adjămma Edith sakrandjhăng, adjămma tello loesin, Dhinèng kas bekkassa Alice sareng Edith kadhi: djharoem, panèti, bola, laboen sareng salaènna, panèka sadhădjă ètjatettè, Humphrey tako’ amè’ loppa. Eduard sè atoghoe tjompo’ nolongè Alice alalakon tegghăllă, samarèna pas ngala’peddhăngnga èosso kantos ngennjer. Prappa’na ngosseè peddhăngnga pèkkèrra Eduard pas ènga’ dă’ Kornèl Beverley, dă’ padhălemman Arnwood sè èobbhăr orèng, dă’ Sang Radjhă sè èokom patè sareng èn-laènnèpon, mèlana pèkkèrra semmo ta’ renna, Saamponna marè neddhă. Eduard èntar, djăr-klèndjăr ka alas, asandăg sanapanna. Sanattolla ka alas Eduard ta’ onèng djhă’ alas ka’imma, abă’na pas mèreng monjèna (kèkèkka djhărăn). Eduard ghetton, amarghă’ sa-abiddhă bădă è alas, ghi’ ta’ onèng rassana tapangghi sareng djhărăn, kadjhăbbhă băkto ghăpanèka. Pèkkèrra sapanèka : ,,Napa’ kamma sèngko’ rèja, mè’ pas nemmo djhărăn bhăi, ngara kennengngan rèja ghi’ ta’ tao èèntare sakalè, Apa sakèng sèngko’ posang. Slamet tadă’ orèng aghăbăj djhoerăng, kadjhăbhăna Humphrey, djhă’ anoa la karè tatjabbhoerră bhăi.”
