BHĂB SÈ KAPÈNG SETTONG.
Eduard sè adjhălăn sambi lèng-ngalèng ka djoe-kadjoeăn; ta’ abit pas moddhă, manabi bădă’. orèng ngodi’i apoj. Apoj ghăpănèka rabhăng sakeddjhă’ pas matè polè, amarghă ètongngo’ angèn. Mèlana
sopadjă ta’ matèa, ladjhoe ètopoè songko’na; rabbhingnga semmo abit sarta atèra’an sareng sè ghellă’, Eduard mangkèn nèngalè manabi orèng sè ngodi'i apoj ghellă’ nonoè (njomet) lantèra’ malèng, djhoeghă ka orèngnga ta’ palasdhă, mèlana Eduard sadjănè asemma’,terro onènga terrangnga orèng ghăpanèka, Lantèra’na sakeddjhă' matè. Pèkkèrra Eduard: ,,Ontongnga orèng rowa otaba sèngko’ ta’ ngèbă pate’, djha’ anoa ta” boeroeng aghăoeng,” Sadjăn abit Eduard sadjăn para’ ta’ kalabăn kaonèngan ka rèng-orèng ka’rowa, kantos nambbănna badă'ă namong sapolo èlo. Mèlana abă’na tjè’ plasdhăna dă’ ghoenemma rèng-orèng ghellă’, sarta sè mèrengngaghi nèlèng sakalè, marghă Oswald onèng atotoran dă’ Eduard, manabi alas ghăpanèka dhăddhi pangongsèannèpon doe-sar-dădoe sè padă boeroe (mènggăt); dhinèng kalakoănnèpan tjo’-ngètjo’ dă'pong-kampong è kangan katjèrra allas ghăpanèka.
Eduard mèreng: ,,Ghălloe’ antos satengnga eddjhămmaghi’, satèja ghi’ băbnè băktona, sabăb rèng-orèng sè aterran bhărăng ka abă’na
dări Lymington loembrăna mon dateng malem, krana bengkona tako’ ètemmo orèng.”
,,Apa sèdă kennal dă’ orèng sè aterran bhărăng djărèja?” ,, Njamana sèngko’ èkaloppaè, nangèng mon orèngnga tanto orèngnga losmèn è lorong ,,Parlemmèn” rowa-” ,,0, djărowa? kennal sèngko’orèng djărèja abhillăi Sang Radjhă. Mon terro ngètjo’a kadjădijă, madjoe èntar ka Lymington.” Sè laèn njambhit: ,,Ijă, mon terro etjhăndhăghă lèerra, la èntar apana kassa,” ,, Ba’na apa tao ongghoe djhă’ orèng sè èaterrè bhărăng djrèja andi'pèssè?” Ijă, sabăb sèngko’ la tao njèndhemmè, kalana abă’na’ madjări arghăna bhărăngnga; dhinèng pèssèna djărèja èbăddhăi kantong pote, èsabă’ è dălem pettèna; èssèna pèssè dinar dinar malolo,”
Na’ KANA’ KO’ONG KAMPA ÈDALEM ALAS.
