This page has been proofread.
2
,,Saellana madjări bhărăngnga, kantong sè aèssè pèssè ghellă’ pas ètaro dimma?” ,,La, djrèja sèngko’ ta’ tao, marghă bhădreng sè ater bhărăng la padă narèma pèssè, orèngnga pas kalowar; sarrèna sèngko’ tako’ katemmon, dhăddhi pas boeroe.” ,,Marèna satèja bărămma?”
Barijè bhai: dha-nèngha orèng sè ètjapo’ malem ètangnga djhălaă,mènta ngèneppa, mon djărèja ta’ ahasèl, sèngko’ ngoddhiă maso’dări labăng boediăn, mon endjă’ madjoe mokka’. djănèlana bhăi,anggher katjana la bellă, sèngko’ ngennèng lebbhoe.”
,,Kabarampa èssèna bengkona?” ,,Tada’, tjoma ro-sorona kasorang, lake’,” ,,Tadă’ băbinè’anna?” ,,Seltong bhăi tada’.” Marèna băramma, apa sèngko’ so bă'na wa’-doewă’ăna bhăi,apa ta’ parlo ngadjhăk Broom so Black, sabăb kana’ djarèja bangalan tor padă èkennèng kabhăreng.” ,,Mon tja’ sèngko’ ta’ parlo ngèbă bhăreng pole, dhăgghi’ pas kanta sè ngètjo’ ghi’ ka barămpa arèanna rowa, ollèna saparo èèrrep dhibi’. Ella, sèngko’ la tao ka bvtekka sè kadoewa djarèja, Molana sèngko’
mèlè bă’na, Benjamin, sabăb bă’na kennèng èpartaddjă ongghoe. Ella,madjoe, ka, djhă’ mangkata, wă’-doewă’an bhăi.”
,, Madjoe, kamma’a bhăi, sèngko’ noro’a; kantong sè aèssè pèssè dinar djrèja kala’ dhălloe.” ,, Tang bhendemman pèssè la bănnja’, Benjamin. Rassana băntang bagiăn satèja rèja masè tjokopa èkasango ka naghăra Bălăndhă.Sèngko’ mon ghi’ langghengnga e naghăra Inggris bhvi sasat njabă'
tellor è bătton.”
Mon sèngko’ endja’, sakontjo’na oboe’ ‘ta’, terro èntara kassa,sabăb naghără mantja, bhăsana ijă'ijè’ bănnèanna băn bhăsa Inggris,molana sengko’ matè odi’ asennengngan badă è naghără dhibi’. Madjoe, ka, djhă’ mangkata; mon bă’na la ollè pèssè djrèja, la
kat-mangkat ka naghără Bălăndhă, sèngko’ mon ta’ senneng ijă noro'aghiă kèja, nangèng sèngko’ èntara da’ dădjă, Will,”
Will(iam), panèka ollè dhăddhi njamana sèttongnga; saamponna nèngghoe lantèra’na, sè kadoewă pas mangkat, ètoro’ boentè’ Eduard dări boedi. Sarrèna èkala ghipănèka angèn bhărăt, dhvddhi dăr-
