3
dădăr sareng tja’-rantja’ sè kerrèng sè èterdjhăk Eduard, ta’ kapèreng dă’ malèng sè kadoowă, Eduard ngartè, manabl orèng sè kadoewă panèka antara tjo’-ngètjo’. Sareng sè adjhèlin ampon ollè sa eddjhăm, malèng sè kadoowă pas kalowar dări alas sambi makalowar pèstolla, Ta’ antara abit padjhălănna malèng ghellă’ nattol dă’ tegghăl ra-ara, ènga’-tengnga’anna bădă tjompo’na. È băkto ghăpanèka pettengnga alèmonan, angènna saklangkong tand~ès, kantos djandonna malèng sè kadoewă samon (ta’ terrang) dă’ Eduard, sanarè nambhanna namong nem tèndhăghăn.
Sanatlolla ka tjompo’ ghellă’, malèng sè sèttong djhoedjhoek ka labăng adă’, sèttongnga ka labăng boedi, akadhi rembhăgghă sè nalèka para’ mangkadhă. Dhinèng Eduard njèndhemmè èdièrènganna tjompo’,
sabăb kareppa bhădhi atatolonga orèng sè andi’ tjompo'. Sareng malèng ghellă’ ampon pekkak sè ra’-èra'an mènta labăng, ngotja’ terro ngèneppa, marghă kamalemman è djhălăn, nangèng ta’ paasèl, pas ladjhoe padă mokka’ labăngnga kalabăn paksa; dhinèng orengnya robvna onèng, djhă’ badă malèng, djhoeghă makettek bisaos, amarghă tako'. Kalana labăng aboekka’ sakonè’, William pas aghălloeaghi tanangnga sambi negghoe’ pèstol, terros masang kadălem. Eduard mèreng orèng atowat.
Eduard ngotja’: ,,A, satèja la dheng-seddhengnganna sèngko’ masang malèng rowa; ta’ talangkè polè kana’ ghăpanèka ladjhoe meddhil, malèngnga robbhoe. Saamponna ngèsse’è sanapanna, Eduard alèng!èng
è tjompo’; ta’ abit pas mèreng monjèna pèstol doe kalè sasat asareng. Marè ghăpanèka pas sèrep tadă’ kasa’ èkaèding, kadjhăbhă rèng ro-serroan èjalem roma. Eduard ngennèng njarkot orèng èadă’na labăng, ollè dhăddhi ampon matè, pas èlèngkaè, abă’na terros maso’ka roma, nèngalana orèng sè kèngèng pèstol ghellă’, ètangèsè ana’na. Sanattolla ka roma Eduard mangghi orèng towa kasorang èghălloe’ ana’ lakè'na sambi nangès.
Eduard ngotja’: ,,Neng-enneng, djha’ ko'-tako’, bănnè moso, sambi ngala’ lèlèn, èsabă’ è mèdjă. ,,Djhădjăl bă’na mandjhăng, sèngko’ terro nèngghoe’, pola mè’ ghi’ kennèng èstèjarè.” Kana’ ghăpanèka njambhit: ,,Ampon tadă’ kèrana, sabăb lokana sanget,” ,,Dhoeli ngala’ aèng, dimma’anna sè loka?”
