11
mèlana sè lakè' pas paḍǎ kal-nakal, sè binè' paḍǎ kat-masakat. Sǎ rèna tèngkana na'-kana' so kaempa ka'into ta' ladjăk, sareng Miss Judith pas ta' patè èpardoeli sakalè, kadjhǎbhǎ manabi terro onènga bǎrǎs bhoentenna, bhoeroe na'-kana' ghǎpanèka ètèmbhǎli ka kamarra.
Pangennèngnga taḍǎ' sè èpèkkèrè sareng èotjol sarep-kareppa dhibi', na'-kana' kaempa ghellǎ' bhǎdhǎnna paḍǎ ghǎs-bhǎghǎs sareng rásbǎrǎs.
Katjatora Jakob sanattolla ḍǎ' Arnwood, ngotja' ḍǎ' Benjamin: „Benjamin, sèngko' èntar kanna' rèja bǎdǎ parlona, terro apèrem- bhǎghǎna bǎn njonja."
Benjamin njambhit: „Apa bǎ'na ollè kan kasokananna njonja?"
Sambhiddhǎ Jakob: Sèngko' ta' ollè pa-apa, sabǎb sèngko' andi' parlo sè tjè' paranana; djhǎdjhǎl, ra, Agatha soro mator ka njonja,"
Benjamin njambhit: „Ija, nangèng sakalè boedina bǎ'na mon èntar kanna' djhǎ' nang-nanang barijǎ."
Ta' abit Jakob pas èlèllanè njabis ḍǎ' njonja Miss Judith; nalèka ghǎpanèka kalerressan alèngghi è kamarra. Njonja panèka ampon seppo, omorra ra-kèra bǎḍǎ sèket taon, alèngghi è korsè tèngghi; padhǎna èpanongko' èattas bangkoe. Astana èrangkos sarta èbhoendhoe' kaèn tjelleng. Sanattolla kaadjoenanna njonja Miss Judith, Jakob pas ngormat (manondoe' tjèṭakka). Miss Judith aḍhǎboe: „Jakob, apa bhenḍer bǎ'na anḍi' parlo 'ijè' pranana, sè bhǎkal èatorraghiǎ ka sèngko'?"
Jakob mator: Èngghi, lerres; bhǎdhǎn-kaoelǎ mator onèng, manabi Radjhǎ Karel lolos ḍǎri Hampton-Court."
Miss Judith marèksa polè: „Sang Radjhǎ lolos?".
Atorra Jakob: „Èngghi, mala pangèrana orèng, Sampèjan-dhǎlem ngongsè èka'ijǎ."
Miss Judith adhaboe: „Taḍǎ' djhǎ' sakènga Sang Radjhǎ ngongsè eḍija, sabelloenna bǎ'na tor-mator ka sèngko', sèngko' la abălă ka bǎ'na kaaḍǎ'
Jakob mator: „Èngghi; mangkèn kaoelǎ terro tor-matóra bhărǎng ḍhemmèt ḍǎ' pandjhennengngan, orèng laèn ta' kèngèng mèrengngahi." Serrèna Jakob mator sapanèka, Agatha, sè njandhing èghika'ijă, ladjhoe èpakon kalowar ḍǎri kamar. Agatha pegghel, amarghǎ sè ta' èparèngngaghi mèrengngaghi atorra Jakob, pas kalowar sambi augo'ngo'an, labǎngnga èèntep èpagerbǎng. Njonja Miss Judith dhoeka,
