5
mongghing dădjă dări dinna’, — ngènoma, Min—sèngko’ abhendem pèssè, èntarè è lao’na kadjoe djărèja..... tello deppa, kalè kala’bă’na—aèng Min—Toboengnga aèngnga băn Eduard èpasemma’ ka tjolo’na, nangèng ta’ dhoengkap ollè ngènom, William pas’ ngon- djhăl dă’ boedi pas èlang njabăna. Eduard ladjhoe lebbhoe ka roma,nèngalana na’-kana’ sè kalengnger ghellă’, Sarrèna labăng ta’ kèngèng èèntep, amarghă badă majjăddhi' Benjamin, dhăddhi Eduard ghi’ rèpot makalowar madjit bhoeroe. Eduard ladjhoe nalèktèkè madjhiddha orèng sè ghădhoeăn tjompo’; pèkkèrra: ,,Ah, orèng rèja bannè orèng dan-badăn, mon tja’na tjora’na bhangsa aghoeng, angghoejjă maddjhă, tanangnga sentèk tor potè, gharighi’na djhăng-landjhăng sarta rèt-merrèt; orèng rèja ta’ tao rassana alako kasar.”
Eduard pas ngallè na’-kana’ sè kalèngnger dă’ katèdoenganna sarta mowana èraopè aèng. Kana’ ghăpanèka ènga’, ladjhoe nangès adjhărrit, ènga’ ka eppa’na sè ampon adhingghăl dhoennja; sareng
Eduard èpanneng bisaos,. sossana mè’ ollè korang. Eduard pas todjce’è korsè, pekkèrra: ,,Maskè sèngko’ satèja ègharibbhoeng madjit, nangèng tang atè ta’ ngennes akanta ghi’ pamatèna Jakob Armilage, ngara bhăi amarghă sèngko’ 1jè’ tarèsnana ka Jakob. Pamatèna bhaghoes, sabăb ghi’ odi’na abă’na lanjeng èbadăna sarta pangabhăktèna ka Alla sè Maha Sottjè ghoe-ongghoe atè, bănnèan so orèng sè ka- doewă rèja, matèna nalèka aghăbaj kadjhoebă'ăn. Maskè rèng-orèng djahat rèja sè sèttong sèngko’ sè matè’è, nangèng sakontjo’na oboe’sèngko’ ta’ kasta ta’ tako’, Mon lakar sèngko’ bhender sala, mandhar Pangèran sè Aghoeng njapora’a tang dhoesa. Parkara na’-kana’ rèja sèngko’ la karè adjhăndjhi ka eppa’na, djha’ bhăkal èrabădhăna è bengko, sèngko’ wadjib netteppè tang otja’, mon endja’, tanto sèngko’ ètjampolèaghi arwăhna eppa’na; băn polè kanta sèngko’ băn tang tan-trètan ghoe ta’ èrabădhi orèng, sampè’ sèngko’ tao njarè kasap dhibi’, baramma mon sèngko’ pas ta’ ghellemma arabădhi kana’ rèja. So sèngko’ dhoelăa ekebă ka bengko bhăi, tako’ dhoengkap badă tja-kantjana rèng-orèng djahat rèja dăteng kanna’, tanto sèngko’ pas nemmo kalèr. Eh, ngara mè’ rèja ghămbharra paperrangan. Sèngko' dhoeliă areppot ka towan sè ngobăsanè alas, sabăb parkara rèja kadhăddhièn bhabăna. Humphey bhăi è soroa kassa, ngèras abherri’tao ka Oswald. Barămma’a tang trètan! La tanto sè rep-areppan atèna eambi tal-takettal, amarghă sèngko’ sè tadă’ molè. Nangèng
