This page has been proofread.
7
Eduard: ,,Bhănget tang panarèma, Pablo. Brămpa djhăoena bengko dări dinna’?” Humphrey: ,,Mè' bădă mon pardjhălănan doewă’ satengnga eddjhăm.” Eduard: ,,Mara èdingngaghi, sèngko’ satèja akandhă’ă.” Eduard pas ngandhă’ăghi ponapa sè kadhăddhiăn malèmma sadjhărbăna. Saamponna sè katello ladjhoe lebbhoe ka roma. Humphrey sakalangkong ngennes atèna nèngalè madjit sè tatello’. Na’-kana’ sè katello ladjhoe apèrembhăghăn, panapa sè èlakonana. Eduard ngotja’; ,,Ella mara dă’ijă bhăi, dhibi’na la-ella abălă ka Oswald, soro mator ka towan sè ngobăsanè alas, djha’ bădă’ parkara patè, dhinèng bă’na Pablo molè’, abălă ka Alice so Edith, djhă’
sèngko’ slamet, mè’ ta’ tal-takettal bhăi atèna. Lè’, kana’ rowa ta’kennèng dhina èdinna’.”
Humphrey: ,,Kemma satèja?” Eduard: ,,Ghi’ tèdoeng. Lè', ella mara kat- mangkat, nompa‘a djhăarăn apa adhărădhă? Mon bă’na adhărădhă(adjhălăna soko), dhina mè 'Pablo ngèbă djikarra kanna’, sabăb răng-bhărrăngnga kana’rèja kodhoe èangko’ kassa kèja. Tjana lèng-malèng djarèja, towan rèja bănnja’ ro-tarona pèssè, molana dhina so sèngko ètoghoewăna bhăi.” Humphrey: ,,Ella dhina, sèngko’ adjhălăna soko bhăi, sopadjă răng-bhărang dinna’ dhoeliă kennèng èangko’ ka bengko, mon ta’dhoeliă èangko’ ta’ boeroeng èrampas Parlemmèn, sabăb orèng rèja
abhillăi Sang Radjhă; maskè sèngko’ nompa’ djhărăn, ghi’ ta’ ollè alalakon laènna kèja.”
Eduard: ,,]jă, la kassa kat-mangkat kabbhi, sèngko’ èboedi sambi kes-ngarèngkessana răng-ăng rèja.” Saamponna Humphrey sareng Pablo adjhălan, Eduard pas adjhăghăi kana’ sè tèdoeng èngghărowa, otja’na: ,,Lè’, lè', djăighă, djhă’sa-sossa parkara eppa’na. Kasokanna Ghoestè Alla ta’ kennèng èpellang, sarta sèngko’ so bă‘na kodhoe manot da’ kasokanna; dă’
ijă sasebbhoedhăn èdalem kètab lebbi bettjè’ podjhiaghi bhăi mandhăr paddhanga kobhoerră.”
Kana’ ghăpanèka djhăghă, ladjhoe nangès njambhăt eppa'na:,,Adoeh, eppa’ la matè, pas sapa sè èaopana sèngko’, bhi’ bărămma kadhăddhiănna sang abă’ paghi’?”
