10 bhărăng ka-rangkana, èangko’a kalagghoănna. Sarrèna è băkto ghăpanèka ampon lèngsèr arè, seḍḍhengnga orèng neḍḍhă, Eduard ladjhoe ngala’ teḍḍha’ăn, roti sareng anggoer edjhoeloeăghi ka na’-kana’ èngghărowa, djhoeghă abă’na ta’ poron nedḍḍhă, amarghă kana’ ghellă' ta’ arassa lapar. Eduard maksa asoro neddhă, bekkasanna pas ngala’ rotè sakerra’ sareng anggoer sagellas. Ta’ antara abit Pablo daleng, Eduard ngolja’ ka kana’ ghăpanèka; ,,Răng-bhărăngnga apa ella marè èpapolongè kabhi?” ,,Ampon.” ,,Madjoe kèbă kalowar; Pablo, kanna’, dinna’ tolongè.” ,,Madjit sè nganḍeng è labăng angghăpanèka panjèngla ḍhingèn, sè malebbhoeă djikar kadhi ponapa ?” | ,,ijă, madjoe.”
Sareng ampon èallè, madjiddhă Benjamin ladjhoe ètopoè rebbhă kerrèng, Pablo pas malebbhoe djikarra ka seddhi’na labăng. Răng-bhărăng sè ră’-berră’, pettè bessè, ta-sandjhăta sareng bhărăng laènoa sè radjă arghăna ladjhoe èpaongghă ka djikar. Saamponna Eduard pas ngala’ tel-bhoentella na’-kana’ ghellă’ èboewa’ djhoeghiă; wă'-boewă'na djikarra kantos djoen-marodjoen. Saamponna ladjhoe èkoḍoungè, sopadjă ta’ kaarbhessana aboe è djhălăn. Na’-kana’ ghellă’, băkto para’ mangkata nangès; otja‘èpon ka Eduard: ,,Njara kaoelă ngèrènga, nangèng’ kaoelă njo’ona èdhi terro nèngalana eppa’ sakalèan agghi’.”
Eduard: ,,Ijă, madjoe abhăreng sèngko'’.” Eduard pas makta kana’ ghapanèka ḍa’ madjiddhă eppa'na sarta roroppa (madjit) ladjhoe èboekka’.
Katjatora na’-kana’ ghăpanèka sareng nèngalè mowana rèng towana, ladjhoe nangès sèsèghoenen, ropana terro èampetta, nangèng ta’ kowat; abă’na adhekkong njèjom ḍăina eppa’na, samarèna pas njo-kem ka dădăna Eduard, Eduard neng-enneng bisaos, na’-kana’ èlantor sè nangès, sopprèna sopadjă na’-kana’ ka’into èngghălă (ollèa) loḍhăng pèkkèrra, Samarèna madjit èroropè polè, Eduard pas kalowar sambi nonton na’-kana’ èngghărowa,
Eduard: ,,Ella, madjoe djha’ molèa, sabăb sèngko’ la ḍoe malem ta’ kadhik molè, tanto Alice so Edith ngen-băngennan sarta rep-areppan sèngko’,”
Sambhiddhă kana’ ka’rowa: "Èngghi torè.”
