12 ,,Noro’ kareppa eppa’na; abă’na ghăsek èro-soro ka Lymington èntar ka bengkona soebăddhă, dhăddhi abă’na tako’ amè’ nemmo aral è djhălăn. Dhoengngèngnga abă’na sè ghenna' ghi’ ta’ ètjarètaaghi kabhi.”
,,Kassa katèḍoenganna kana’ djărèdja la ḍer-pabhender, kasor so bhăntalla èkonèana lagghoena.”
Alice ngotja’ polè:,,Wah, ella, Humphrey mon tao tanto kasamboe, băn polè paghi’ kana’ rèja masè pantessa dhăddhbi binèna.”
Eduard:,,Humphrey tanto senneng mon ollè kana’ rèja, sabăb pas andi’ binè soghi, È peṭṭè bessèna rowa ta’ boeroeng bănnjă pèssèna,”
Alice ladjhoe abăli polè aḍon-ḍjandon sareng tamojja, Eduard sareng Pablo ghi’ ta’ marè sè ron-matoron bhărăng, Eduard ngotja’ ka Pablo:,,Mon satèja bă’na ngako djha’ kala ongghoe ka kana'rowa, (a’iji, Pablo, sabib binè’.”
Pablo: ,,Băddhinna binè’! Ampon tanto bisaos, djha’ na‘-kana' lakè’ èbhăndhinga robăna moso na’-kana’ binè’,”
Saamponna marè ron-matoron răng-bhărăng, Eduard, tan-trètanna sareng tamojja ladjhoe neḍḍhă.
Eduard ngotja’:,,Tja’ sèngko’ bă’na ghoe ta’ lakè’ bhăi, marèna băbinè’ sapa njamana bă’na?”
Sambhiddhă:,,Clara.” Eduard:,,Arapa mè’ ghi’ bhoeroe atotoran, djhă’ ba’na binè’ ?" Clara:,,Mèlana kaoelè ta’ èngghăl mator ka sampèjan, kaoelè toḍoes, amarghă apangangghoej kadhi na’-kana’ lake.”
Eduard:,,Ella, bă’na la djha’ abhăsa ka sèngko, maskè ka èssèna bengko laènna ijă addjhă’.”
,,Ta' ijă’ Alice, Edith?”
Alice: ,,Mon ghi’ maksa abhăsa, djhă’ sambhidhi bhai.” Eduard satrètan aghella’èn, nangèng pas sèrep sakalèan, marghă nèngalè Clara nangès, ropana ènga’ ḍă’ eppa'na; nangèng ladjhoe èpaḍijem sareng Alice èkaḍoewăi sareng Edith, Saamponna marè neddhă, na’-kana’ sadhădjă pas paḍă matja dhoewă.
Eduard;,,Seogko’ satèja wădjib asokkor ḍă' Ghoestè Alla, amarghă sèngko' so Clara la kaparèngan slamet, lopot ḍări bhălăi radjă; moghă-moghă Pangèran sè Aghoeng aparènga salamet saterrossa.”
