13 Clara sareng mèreng olja’na Eduard sapanèka, ènga’ dă’ eppa’na, ladjhoe nangès polè, djhoeghă Alice sareng Edith ta’ amboe se lep-matjellep atèna sarta pas èbhăkta tèḍoeng, Sapanèka djhoeghă Eduard sareng Pablo, sarrèna sa arè bhentèng sè alalakon, saklangkong lessona, ladjhoe mapan tèḍoeng djhoeghăn. Kalagghoeănnèpon sareng sè kadoewă panèka ampon ngèḍing, terros makèè djhărănna, ladjhoe mangkat ḍa’ tjompo'na Clara, ngonèana karèna răng-bhărăngnga. Sanàttolla ka’kassa, răng-bhărăngnga, akadhiă; randjăng, kasor, bhăntal, lomarè, mènoman sareng laènna èpaonggha ka djikarra sadhădjă. Sareng ampon tadă’ polè, Pablo pas palèman bi’-dhibi’ăn, sabăb Eduard ghi’ ngantos ḍătengnga Humphrey sareng èn-laènna. Ra-kèra pokol 10, rèng-orèng ghăpanèka ngombăr, èamba’ sareng Eduard. Dhinèng sè ḍateng èngghi panèka: towan sè ngobăsanè alas, nètènè djhărăn èèrèng Oswald, Humphrey sareng gă-padjăgăna alas laènnèpon, sarta sareng Eduard ladjhoe èpatodjoe’ ka roma. Sareng towan malebbhet, Eduard nodhoeăghi madjiddhă malèng kasorang, sè ètopoè rebbhă. Padjăgăna alas .kasorang èdhika’aghi mowang rebbhăna. Towan marèksa:,,Sapa sè nèngghăr orèng rèja?”
Eduard:,,Sè ghădhoeăn tjompo’.” Eduard pas nodhoeăghi madjiddhă malèng sèttongnga sareng maadjiddhă eppa’na Clara. Towan sè ngobăsanè alas sareng ngolatè djit-madjit panèka pas malèngos; saamponna pas marèksa ka Eduard: ,,Rèng-orèng rèja so bă’na ètemmo bărămma?”
Eduard:,,Bhădhăn-kaoelă ta’ onèng băktona orèng kadoewă panèka sè atjampo, namong bhădhăn-kaoelă mèreng monjèna pèstol ḍoe kalè, sasat asareng, ollè dhăddhi rèng-orèng panèka salang pasang.”
Towan Kobăsa ladjhoe nèmbhăli djhoertolèssa, èpakon nolèsè katerrangan- -katerranganna Eduard. ,,Djhădjhăl tjarèta’aghi kabbhi, bărămma kadhăddhiănna parkara rèja, sengko’ terro ngèdinga!”
Eduard mator djhă’ aba’na è băkto palèmana posang èḍalem alas,amarghă ampon malem. ,,Lem-malem ba’na èntar ka alas?” ,,Engghi.” ,,Apa bă’na ngèbă sanapan?” ,,Manabi kaoelă adjhălănan, ampon ta’ tjèttjèr bi' tèngghăr.” ,,Mon bărljă bă’na dhăddhi asaddjhă' nèngghără kèbăn.”
